Молитвы и акафист на успение пресвятой богородицы. Тверская епархия Акафист успению читать

«Успение Пресвятой Богородицы» икона Божией Матери . Из статьи Шамордино, вышитые иконы монастыря .

Тропарь, глас 1

В рождестве девство сохранила еси, во успении мира не оставила еси, Богородице: преставилася еси к животу, Мати сущи Живота, и молитвами Твоими избавляеши от смерти души наша.

Кондак, глас 2

В молитвах неусыпающую Богородицу и в предстательствах непреложное упование, гроб и умерщвление не удержаста: якоже бо Живота Матерь, к животу престави, во утробу Вселивыйся Приснодевственную.

Величание

Величаем Тя, Пренепорочная Мати Христа Бога нашего, и всеславное славим успение Твое.

Кондак 1

Избранной от всех родов Божией Матери и Царице, восходящей от земли к Небеси, благоговейная пения о пречестнем Твоем успении приносим раби Твои, Богородице. Ты же, яко имущая победу над смертию, от всяких нас смертоносных бед свободи, да зовем Ти:

Икос 1

Ангел предстатель послан бысть рещи Богородице ко премирным Ея возшествие и приити предъявляше к Ней Сыну Ея и Богу, светло о Ней блистаяся и стоя, зовый таковая:

Радуйся, прерадованная Мати Царева.

Радуйся, Небесная Царице, Мати Бога и Господа Небесе и земли.

Радуйся, предпочтенная превеличеством пришествия к Тебе Сына Твоего и Бога.

Радуйся, возвеличенная извещением Твоего к Сыну отшествия.

Радуйся, от всех родов Богом избранная.

Радуйся, святое вместилище Слова Божия.

Радуйся, пророческаго проречения исполнение.

Радуйся, Апостолом пречестный венче.

Радуйся, святителем украшение и священником доброто.

Радуйся, правителем удобрение и державо.

Радуйся, богомудрых иноков возведение к Горнему Царствию.

Радуйся, отверзающая райския двери христианскому роду, присно Тя блажащему.

Радуйся, Обрадованная, во успении Твоем нас не оставляющая.

Кондак 2

Видяще Апостолов лик, всесильным мановением от конец земли на облацех представших ко Пречестному Твоему, Пренепорочная, успению, священноначальницы: Дионисий - небесный таинник, Иерофей дивный и Тимофей, с Боголепною честию священства пояху Богу: Аллилуиа.

Икос 2

Разумная вся тварь, старейшая чиноначалия Ангельская, приидоша со своим Царем, Иже во Своя живоначальнейшия руце душу Матере Своея прият; теплый же верою Петр со слезами многая к Ней изрече, зовый:

Радуйся, ко премирным, Мати Творца миру, восходящая.

Радуйся, к пренебесным, пространнейшая небес, вземлющаяся.

Радуйся, четверочастное стихий освятившая Твоим восхождением.

Радуйся, Небесных возвеселившая Твоим прехождением.

Радуйся, во Иерусалим Горний прекрасный приятая.

Радуйся, в нерукотворенныя храмы прерадостно вшедшая.

Радуйся, Херувимов и Серафимов Царице.

Радуйся, Архангелов Владычице.

Радуйся, прибежище верных и избавление.

Радуйся, достоянию Твоему помощь и защищение.

Радуйся, о всем мире христианстем к Богу Ходатаице.

Радуйся, благ всяческих Всеблагая Подательнице.

Радуйся, Обрадованная, во успении Твоем нас не оставляющая.

Кондак 3

Сила Вышняго восхити от Индии Фому, за некое изволение Божие не прилучшуся ему в пречестное успение Богоматере, и предпостави живоприемному Ея гробу, иже, Преставльшуюся приник видети, уразуме вознесенную на Небеса с телом и, веровав, о сем возопи: Аллилуиа.

Икос 3

Имея в себе помышление ученик, яко Божиим смотрением бе ему не обрестися ко провождению Богоматере с прочими вкупе, обрадован быв о безсмертнем Ея успении, сия вопияше к Ней:

Радуйся, восприемлемая от земли дланьма Сына Твоего.

Радуйся, ко превышним возшедшая наслаждатися славы Его.

Радуйся, провождаемая от всех чиноначалий Ангельских в горняя.

Радуйся, подъемлемая Херувимы в Небесная и наднебесная.

Радуйся, в Небесных вратех от старейших Сил велелепно песньми возносимая.

Радуйся, от всех Небесных граждан окружаемая и блажимая.

Радуйся, Небо земное, к горнему селению возвышенное.

Радуйся, Престоле Господень, от земли вознесенный в Царствие Небесное.

Радуйся, предстательство наше и крепкое заступление.

Радуйся, грешником Споручнице во спасение.

Радуйся, христианом Царице и по Бозе Надеждо Небеснаго Царствия.

Радуйся, Мати Живота и по Господе нам упование жизни вечныя.

Радуйся, Обрадованная, во успении Твоем нас не оставляющая.

Кондак 4

Бурю внутрь имея помышлений неверных евреин Аффоний, и зря Богоносными Апостолы Богоматере Пречестное Тело всечестне ко гробу несенное, ко опровержению устремися; внезапу же, егда со ослеплением очию руце его отъяте ко одру прилеплене висясте, верою Матерь Божию исповедаше, вопия Богу: Аллилуиа.

Икос 4

Слышавше таинницы и самовидцы Слова Ангелов, поющих превышними песньми при погребении Богоприятнаго тела Божия Матере, и честь подати хотяще Богоугодную, потщашася согласно пети, глаголюще:

Радуйся, благовестие приемшая о прешествии Твоем в Горнее Царствие.

Радуйся, от благовестившаго Гавриила приемшая радостнаго рая вравие.

Радуйся, пречестное Херувимское множество просветившая.

Радуйся, преславное Серафимское естество возрадовавшая.

Радуйся, от патриархов прообразованная.

Радуйся, от пророков предвозвещенная.

Радуйся, злую дерзость Аффониеву скоро отмстившая.

Радуйся, исцеление томужде подавшая.

Радуйся, обратившая в веру Аффониево неверие.

Радуйся, верное того приемшая исповедание.

Радуйся, возводящая к Небеси любовь и веру к Тебе имущих.

Радуйся, спасающая верою имя Твое призывающих.

Радуйся, Обрадованная, во успении Твоем нас не оставляющая.

Кондак 5

Боготечныя звезды, Апостоли святии, в поднебесней разсеяннии ради Евангелия, восхищени быша на облацех, по широте воздушней, ко погребению Матере Господни, Юже пеньми и песньми провождающе, с Невещественными взываху: Аллилуиа.

Икос 5

Видевше Боговидцы своего Владыку, в руце Матере Своея душу приемша, и Господа Того разумевше, потщашася священнословия песньми благословне воспети Ю:

Радуйся, Царице, над всеми Царствующаго носившая.

Радуйся, и Сама рукама Его Сыновнима носимая.

Радуйся, скиптре царский в Христовой деснице.

Радуйся, в руце Ноя ветвь голубицы.

Радуйся, жезле Ааронов, прозябший нетление.

Радуйся, крине неувядаемый, процветший безсмертие.

Радуйся, Богоотца Давида цевнице Богодохновенная.

Радуйся, пророчествия его возставшая слово, псалтирю и гусли прекрасныя.

Радуйся, одушевленный святыни Господни кивоте.

Радуйся, в покой Господень воскресший наш животе.

Радуйся, скиние, от Херувимов осеняемая.

Радуйся, Святая святых, от Серафимов глаголемая.

Радуйся, Обрадованная, во успении Твоем нас не оставляющая.

Кондак 6

Проповедницы Богоноснии Апостоли, по отшествии ко премирным Божия Матере, во общем седении обычныя трапезы бывше и предложение части хлеба во имя Господне возносяще, внезапу свыше Богородицу Царицу, пришедшую со светоносными Ангелы, зряху и, мир тем от Сына и Бога подавшую слышавше, возгласиша о сем: Аллилуиа.

Икос 6

Возсия нам Солнце Правды, Христос Бог от Твоих пречистых ложесн волею, и благоразумием проповедания чрез Апостолы мир просвети и Тя, Богоматерь, от рода и в род прослави. Темже и мы вси ублажаем Тя, вопиюще Ти:

Радуйся, Присноблаженная от всех родов во веки.

Радуйся, благоутробная и Милостивая на человеки.

Радуйся, ученическому лику обещание исполнившая.

Радуйся, присещением Твоим от Сына Твоего и Бога мир тому подавшая.

Радуйся, всежелательное святых сладкое зрение.

Радуйся, преподобных матерей и дев святых всевеселящее радование.

Радуйся, преходящая райское селение праведных.

Радуйся, посещающая всех во славе небесней сущих.

Радуйся, начало человеческаго спасения.

Радуйся, исполнение всех благих желания.

Радуйся, по Бозе, Царе царствующих, Богородице Царице.

Радуйся, по Господе господствующих, Госпоже и Владычице.

Радуйся, Обрадованная, во успении Твоем нас не оставляющая.

Кондак 7

Хотящих всех с верою входити в храм Твой святый, Богородице, присно спасаеши и славящих Тя от всяких напастей и бед свобождаеши; темже и благоверным людем, присноблажащим Тя, победы на сопротивныя даруй и вся ко спасению прошения нам подавай, о сем молящимся Тебе и поющим Богу: Аллилуиа.

Икос 7

Новую показа тварь, явлься нам, всех Творец Господь Тобою, Богородице. Ты же сродное промышление о нас к Нему имущи, честне почитающих пречестное Твое Успение, приими сицевая Тебе вопиющих:

Радуйся, Мати Богу, избранная от земных.

Радуйся, превышшая земных и Небесных.

Радуйся, Херувимов и Серафимов горе превозшедшая.

Радуйся, лик ученический облаком ко погребению Ти доле совокупльшая.

Радуйся, Фому по погребении Твоем силою Божиею предпоставившая изряднее.

Радуйся, чрез него уверившая Твое на Небо с плотию преселение.

Радуйся, красотою всех добродетелей украшенная.

Радуйся, краснейшему паче сынов человеческих Сынови Своему сопричтенная.

Радуйся, яко финикс плотию воскресшею процветшая.

Радуйся, яко кедр в Ливане небесном умножившаяся.

Радуйся, древо живота, насажденное посреде рая превышняго.

Радуйся, ковчеже мысленный, возвышенный в Горняя от потопа смертнаго.

Радуйся, Обрадованная, во успении Твоем нас не оставляющая.

Кондак 8

Странно в превышних ведуще Тя, Избранная, яко солнце, Владычице, внутрь пренебесных недомыслимых красот и неизреченных доброт, умильно к Сыну и Богу, дланьма Его держиму, возшедшую и прерадостно преклоньшуюся живоначальней Его деснице, о сем непрестанно вопием: Аллилуиа.

Икос 8

Вся бывши горе, к Небесным взята и, земных не оставляющи, Богомати, рукама Сыновнима носима, в незаходимая вниде, во оный град всесветящий и прекрасный, Иерусалим вышний, Херувимы обстоима со всеми Небесными силами, идеже слышит поющих сия:

Радуйся, Еяже пресвятая душа в вышнем всесветлом Сионе вселяется.

Радуйся, Еяже и нетленное тело таможде с душею купно прославляется.

Радуйся, вшедшая в престольный град Самаго Вседержителя.

Радуйся, вознесшаяся в прекрасный рай Вышняго Насадителя.

Радуйся, пренесенная во град, основанный от каменей всесветящих.

Радуйся, введенная во ограду, обстоимую вои сил превышних.

Радуйся, превышше Небес во благолепие Божие взятая.

Радуйся, паче всех невещественных умов почтенная.

Радуйся, приносящая к Сыну Своему и Богу моление верных.

Радуйся, и Сама непрестанно у Престола Сына Твоего и Бога молящаяся о всех.

Радуйся, Предстательнице к Богу, мир спасающая.

Радуйся, Заступнице, роду христианскому от Бога дарованная.

Радуйся, Обрадованная, во успении Твоем нас не оставляющая.

Кондак 9

Всякое естество Ангельское превозносит Тя, Богородице, человечестии же роди вси Матерь Тя Божию славим и почитаем пречестное Твое успение, Царице: Тебе бо ради земнии Небесным совокупляются, согласно поюще Богу: Аллилуиа.

Икос 9

Ветийства Боговещанных пророческих речений ныне зрим о Тебе сбывшаяся, Богородице, яко воистинну Бога плотию родила еси нам. Темже таинству словесе Божия верующе, вопием:

Радуйся, закона и пророков главизно совершенная.

Радуйся, звездо Иаковля, Валаамом пророкованная.

Радуйся, одре Царя Великаго, вещанный Соломоном.

Радуйся, руно, орошенное Иисусом, образованное Гедеоном.

Радуйся, Неопалимая Купино, законоположником предзримая.

Радуйся, горо святая, мужем желания усмотренная.

Радуйся, лествице небесная, Иаковом предвидимая.

Радуйся, двере непроходимая, Иезекиилем предзримая.

Радуйся, солнце селения Христова, псалмопевцем предъявленное.

Радуйся, таинство, многообразне пророки пронареченное.

Радуйся, пророческих глагол всех, предреченных о Тебе, конец принесшая.

Радуйся, Вышняго смотрения вся за спасение мира совершившая.

Радуйся, Обрадованная, во успении Твоем нас не оставляющая.

Кондак 10

Спасти хотя мир, Иже всех Господь от земнаго Тя рода избра в Матерь Себе и, нас ради быв Человек, взыде, отнюдуже сниде, к Небеси от земли, и Тебе с Собою возведе ко пребыванию во славе вечней и соцарствованию с Собою, конца не имущему. Темже, яко Бог, слышит от всех: Аллилуиа.

Икос 10

Стена еси верным, Богородице Дево, и заступление всем, к Тебе прибегающим, ибо Небесе и земли Творец, от Тебе плотию прошед, Пречистая, духом и телом в Небесная Тя пресели, ко ближайшему предстательству о всех, ихже приглашати научи:

Радуйся, граде Царя Великаго верху горы Небесныя.

Радуйся, стено и покрове, не крыющийся от нашего притекания.

Радуйся, верным на враги пособствующая.

Радуйся, нашествия агарянская побеждающая.

Радуйся, веры благочестивыя недвижимое сохранение.

Радуйся, еретичествующих полков разорение.

Радуйся, радость и умирение миру сущая.

Радуйся, всегубительнаго ада поправшая.

Радуйся, воинствующих на плоть целомудрием изрядное венчание.

Радуйся, мученических подвигов всечестное прославление.

Радуйся, преподобных трудом Ходатаице блаженнаго упокоения.

Радуйся, иноком благоскорбящим Подательнице вечнаго радования.

Радуйся, Обрадованная, во успении Твоем нас не оставляющая.

Кондак 11

Пение всякое Богодухновенных песней не довлеет от нас ко похвале всечестнаго успения Твоего, Всехвальная Владычице, Царице Богородице, но усердно Тебе приносим, яко Матери Царя всех, смиренное моление наше, с Небесными чинми поюще Единому достойно прославляющему Тя Богу: Аллилуиа.

Икос 11

Светоприемная свеща истиннаго Света сущим нам на земли явльшися, души просвещаеши и чтущих Твое всечестное преставление к разуму Божественному наставляеши, да поем Ти сицевая:

Радуйся, свеще неугасимая огня невещественнаго.

Радуйся, заре незаходимая Света невечерняго.

Радуйся, луно, от Солнца Правды облиставаемая.

Радуйся, светлосте, во тьме светящая.

Радуйся, светильниче, на свещнице превышнем поставленный.

Радуйся, источниче жизни, из гроба во свет изведенный.

Радуйся, Мати Света умнаго, благочестивых души просвещающаго.

Радуйся, Мати всех Бога, озлобленных души утешающаго.

Радуйся, уповающим на Тя живота конец непостыдный дарующая.

Радуйся, достояние Божиим и Своим рабом на Суде Сына Твоего одесную Его устрояющая.

Радуйся, Преблаженная, яко Тобою блажени есмы и мы, иже Помощницу Тя имамы.

Радуйся, Преблагословенная в род и род, яко Господь с Тобою, и Тобою с нами.

Радуйся, Обрадованная, во успении Твоем нас не оставляющая.

Кондак 12

Благодать высокопрестольныя славы, на небесех дарованную Богоматери, почтенной седением одесную Сына Ея и Бога видяще горнии умы, подъяша Ю Престоли и Силы, окружиша Начала и Власти, припадоша страшнии Херувими, Серафими и Господства, со Архангелы и Ангелы вопиюще: Аллилуиа.

Икос 12

Поюще всечестное Твое успение, восхваляем вси ко пренебесным возшествие Твое, Царице Богомати. Ты же освяти, прослави и спаси всех, любовию поющих Тебе:

Радуйся, очистившая землю пречистыми ног Твоих стопами.

Радуйся, освятившая воздух восхождением Твоим к Небеси.

Радуйся, на Небесный круг возступившая.

Радуйся, вся доброты неизреченныя зрящая.

Радуйся, во славе приседящая Престолу Сына Твоего и Бога.

Радуйся, с Сыном и Богом вечно царствующая.

Радуйся, красото в деснице Господней, украшающая блажащих Тя всех Небесных.

Радуйся, обрадованная надеянием на Тя всех земных.

Радуйся, облеченная в солнце, сияющая благодатию и славою всей вселенней.

Радуйся, обещавшая сохраняти и спасати призывающих Тя всех в поднебесней.

Радуйся, от христианских родов Мати Божия почитаемая и Богородица именуемая.

Радуйся, от восток солнца до запад преславно и православно от всех благочестивых славимая.

Радуйся, Обрадованная, во успении Твоем нас не оставляющая.

Кондак 13

О Всепетая Мати Безсмертнаго Царя Небесе и земли, Христа Бога нашего, живущая и по смерти, нынешняя приношения о всечестном Твоем успении от нас приемши, в жизни сей и в смертнем успении нашем от всякия напасти, бед и муки избави и Небеснаго Царствия нас, Царице, сподоби, о Тебе вопиющих: Аллилуиа.

(Этот кондак читается трижды, затем икос 1 и кондак 1).

Молитва

О Пресвятая Богородице Дево, Владычице, вышшая Ангел и Архангел и всея твари Честнейшая, ангельское великое удивление, пророческая высокая проповедь, апостольская преславная похвало, святителей изрядное украшение, мучеников крепкое утверждение, иноков спасительное наставление, постников неизнемогающее воздержание, девствующих чистото и славо, матерей тихое веселие, младенцев мудросте и наказание, вдовиц и сирых Кормительнице, нагих одеяние, болящих здравие, пленников избавление, по морю плавающих тишино, обуреваемых небурное пристанище, блуждающих нетрудная Наставнице, путешествующих легкое прохождение, труждающихся благое покоище, в бедах сущих скорая Заступнице, обидимых Покрове и прибежище, ненадеющихся надеяние, требующих Помощнице, печальных присное утешение, ненавидимых любовное смирение, грешников спасение и к Богу присвоение, правоверных всех твердое ограждение, непобедимое поможение и заступление! Тобою нам, Владычице, Невидимый видим бысть, и Тебе мольбу приносим, Госпоже, грешнии раби Твои: О Премилостивая и Пречудная Света умнаго Царице, рождшая Царя Христа, Бога нашего, Живодавца всех, от небесных славимая и от земных хвалимая, ангельский уме, светозарная звездо, святых Пресвятейшая, Владычице всех тварей, Боголепная Девице, Нескверная Невесто, палато Духа Пресвятаго, огненный Престоле Невидимаго Царя, небесный кивоте, носило Слова Божия, огнеобразная колеснице, покоище Живаго Бога, неизреченное составление плоти Христовы, гнездо Орла Небеснаго, Горлице Богогласная, Голубице кроткая, тихая и незлобивая, Мати чадолюбивая, милостей бездно, развергающая тучу гнева Божия, неизмеримая глубино, неизреченная тайно, несведомое чудо, нерукотворенная Церкве Единаго Царя всех век, благоуханное кадило, честная багрянице, Боготканная порфиро, душевный раю, живоноснаго сада отрасле, цвете прекрасный, процветший нам небесное веселие, грозде спасения нашего, чаше Царя Небеснаго, в нейже растворися от Духа Святаго вино неисчерпаемыя благодати, Ходатаице закона, зачало истинныя веры Христовы, непоколебимый столпе, еретиков пагубо, мечу ярости Божия на богопротивных, бесов устрашение, во бранех побеждение, христиан всех неложная Хранительнице и мира всего известное спасение! О Всемилостивая Госпоже, Дево Владычице, Богородице, услыши нас, молящихся Тебе, и яви милость Твою на людей Твоих, моли Сына Своего избавитися нам от всякаго зла и сохрани (обитель нашу и) всяку обитель, и град, и страну верных, и люди, благочестно прибегающия и призывающия имя Твое святое, от всякия напасти, губительства, глада, труса, потопа, огня, меча, нашествия иноплеменников и междоусобныя брани, от всякия болезни и всякаго обстояния, да ни ранами, ни прещением, ни мором, ни всяким праведным гневом Божиим умалятся раби Твои. Но соблюдай и спасай милостию Своею, Госпоже, за ны молящися, и полезное благорастворение воздуха ко времени плоднаго приношения нам даруй. Облегчи, возстави и помилуй, Премилостивая Владычице, Богородице препетая, во всякой беде и нужде сущия. Помяни рабы Твоя и не презри слез и воздыхания нашего, и обнови нас благостию Своея милости, да со благодарением утешаемся, обретше Тя Помощницу. Умилосердися, Госпоже Пречистая, на немощныя люди Твоя, Надеждо наша. Разсеянныя собери, заблуждшия на путь правый настави, отпадшия от благочестивыя отеческия веры паки возврати, старость поддержи, юныя вразуми, младенцы воспитай и прослави славящия Тя, изряднее же - Церковь Сына Твоего соблюди и сохрани в долготу дний. О Милостивая и Премилостивая Царице Небесе и земли, Богородице Приснодево! Ходатайством Твоим помилуй страну нашу и воинство ея и вся православныя христианы, сохраняющи их под кровом милости Твоея, ризою Твоею честною защити и моли из Тебе воплощшагося без семене Христа, Бога нашего, да препояшет ны свыше силою на вся видимыя и невидимыя враги наша. Спаси же и помилуй, Госпоже, Святейшия Патриархи православныя, Преосвященныя митрополиты, архиепископы и епископы православныя, иереи же и диаконы и весь причет церковный, и весь монашеский чин, и вся правоверныя люди, покланяющияся и молящияся пред честною Твоею иконою. Призри на всех нас призрением милостивнаго Твоего заступления, воздвигни нас из глубины греховныя и просвети очи сердечныя ко зрению спасения, милостива нам буди зде и на Страшнем Суде Сына Твоего о нас умоли, преставльшияся во благочестии от жития сего рабы Твоя в вечней жизни со Ангелы и Архангелы и со всеми святыми причти, да одесную Сына Твоего Бога предстанут, и молитвою Твоею сподоби вся православныя христианы со Христом жити и радости ангельския в Небесных селениих наслаждатися. Ты бо еси, Госпоже, слава Небесных и упование земных, Ты наша Надежда и Заступница всех притекающих к Тебе и Твоея святыя помощи просящих. Ты Молебница наша теплая к Сыну Твоему и Богу нашему. Твоя матерняя молитва много может на умоление Владыки, и Твоим предстательством ко Престолу благодати Пресвятых и Животворящих Его Таин приступати дерзаем, аще и недостойнии. Темже всечестный образ Твой и рукою Твоею держимаго Вседержителя видяще на иконе, радуемся, грешнии, со умилением припадающе, и любовию сей целуем, чающе, Госпоже, Твоими святыми Богоприятными молитвами дойти Небесныя безконечныя жизни и непостыдно стати в день судный одесную Сына Твоего и Бога нашего, славяще Его купно со Безначальным Отцем и Пресвятым, Благим, Животворящим и Единосущным Духом, во веки веков. Аминь.

В Православии Пресвятая Богородица почитается выше всех святых. Существует множество икон Богородицы, каждая из которых имеет свои отличия и помогает в различных нуждах. Праздник Успения имеет большое значение для христиан и отмечается 28 августа.

Что есть смерть (успение)

Смерть в христианском понимании этого слова не есть прекращение бытия человека, но есть момент перехода из временной, земной жизни в вечную. Переход Матери Божьей отмечен (от слов спать, сон)

Важно. Разлучение Пресвятой с земными миром отнюдь не означает, что Ее связь с людьми разорвалась.

Напротив, Она обрела еще большую способность слышать людские молитвы и помогать людям. Бесчисленны случаи Ее помощи как отдельным людям, так и целым государствам. В частности, Она много раз приходила на помощь России - одному из главных оплотов Православия в мире.

Переход Матери Божьей из долины скитаний (земного мира) в родное для Нее, Небесное Царство в христианстве считается не трагедией, а радостью. Поэтому Успение является праздником. Оно называется переходом в сон, что подчеркивает временный характер разлучения Богородицы с земным миром. После разлучения наступит возвращение - после Страшного Суда и всеобщего Воскресения Богородица вернется в мир людей.

Икона Пресвятой Богородицы

Последние эпизоды из земной жизни Богородицы

В Евангелии от Иоанна упоминается, как Господь во время пребывания на Кресте препоручил Свою Матерь одному из учеников. На самом деле это был сам автор Евангелия, Иоанн Богослов. Поэтому оставшуюся часть жизни Богородица пребывала в его доме, изредка выходя на святые места - Гефсиманский сад, Гроб Господень, Елеонская гора - на молитву.

Интересно. Матерь Божья пребывала в молитве и посте непрерывно.

Во время одного из посещений Гроба Господня Архангел Гавриил сообщил Ей о скором наступлении перехода в вечную жизнь. Он вручил Ей райскую ветвь как знамение этого обетования.

Первые сведения об обстоятельствах Успения мы находим в трудах священномученика Дионисия Ареопагита, созданных еще в 1 веке. Православной Церковью апокрифические предания, хотя и не признаются как канонические, но и не отвергаются. В Канонических Евангелиях сведения о жизни Богородицы после Вознесения Господа отсутствуют. Их можно было почерпнуть только из апокрифов.

Деление праздников в православии

Праздники в православном церковном календаре делятся по значимости на несколько уровней. На самом верхнем - Пасха (Светлое Христово Воскресение).

Важно. Равных Пасхе по значимости праздников больше нет.

Причем это переходящий праздник, то есть он не выпадает на одно и то же число каждый год, а празднуется в разные числа. Эти даты вычисляются по лунно-солнечному календарю, причем Православная и Католическая Церкви пользуются разными методами при вычислении.

Далее идут двунадесятые праздники. Они называются так потому, что их всего двенадцать. Они отмечают важнейшие эпизоды из земной жизни Господа Иисуса Христа и Пресвятой Богородицы. Поэтому они бывают господскими и богородичными.

В число двунадесятых праздников входят четыре богородичных. Один из них - Успение Пресвятой Богородицы. Он отмечается 28 августа по новому стилю (15 августа - по старому). Это непереходящий праздник, в отличие от некоторых других двунадесятых.

Успение Пресвятой Богородицы

О православных праздниках:

Как читать акафист

После Успения создавались иконы, посвященные этому событию, был написан православный акафист. Он был создан по образцу Великого , который является первым среди Акафистов, прославляющих Богородицу, и вообще первым среди всех Акафистов. Данные песнопения состоят из кондаков и икосов, следующих друг за другом.

Интересно. Само слово Акафист (греческого происхождения) указывает на то, что при его чтении нельзя сидеть.

Акафист может как прослушиваться в церкви, так и читаться самостоятельно дома. Ошибочно было бы считать, что Акафист Успению имеет смысл читать только в период этого праздника. Нет, к нему можно прибегать в любые дни по причине духовных или материальных потребностей.

Акафисты в честь других праздников:

Текст Акафиста и молитвы на Успение

Кондак 1

Избранной от всех родов Божией Матери и Царице, восходящей от земли к Небеси, благоговейная пения о пречестнем Твоем Успении приносим раби Твои, Богородице. Ты же, яко имущая победу над смертию, от всяких нас смертоносных бед свободи, да зовем Ти:

Икос 1

Ангел предстатель послан бысть рещи Богородице ко премирным Ея возшествие и приити предъявление к Ней Сыну Ея и Богу, светло о Ней блистаяся и стоя, зовый таковая:
Радуйся, прерадованная Мати Царева; Радуйся, Небесная Царице, Мати Бога и Господа Небесе и земли. Радуйся, предпочтенная превеличеством пришествия к Тебе Сына Твоего и Бога; Радуйся, возвеличенная извещением Твоего к Сыну отшествия. Радуйся, от всех родов Богом избранная; Радуйся, святое вместилище Слова Божия. Радуйся, пророческаго проречения исполнение; Радуйся, Апостолом пречестный венче. Радуйся, святителем украшение и священником доброто; Радуйся, правителем удобрение и державо. Радуйся, Богомудрых иноков возведение к Горнему Царствию; Радуйся, отверзающая райския двери христианскому роду, присно Тя блажещему.
Радуйся, Обрадованная, во Успении Твоем нас не оставляющая.

Кондак 2

Видяще Апостолов лик, всесильным мановением от конец земли на облацех представших ко Пречестному Твоему, Пренепорочная. Успению, священноначальницы: Дионисий - небесный таинник, Иерофей дивный и Тимофей с Боголепною честию священства пояху Богу: Аллилуиа.

Икос 2

Разумная вся тварь, старейшая чиноначалия ангельская приидоша со своим Царем, Иже во Своя живоначальнейшия руце душу Матере Своея прият; теплый же верою Петр со слезами многая к Ней изрече, зовый:
Радуйся, ко премирным, Мати Творца миру, восходящая; Радуйся, к пренебесным, пространнейшая небес, вземлющаяся. Радуйся, четверочастное стихий освятившая Твоим восхождением; Радуйся, Небесных возвеселившая Твоим прехождением. Радуйся, во Иерусалим Горний прекрасный приятая; Радуйся, в нерукотворенныя храмы прерадостно вшедшая. Радуйся, Херувимов и Серафимов Царице; Радуйся, Архангелов Владычице. Радуйся, прибежище верных и избавление; Радуйся, достоянию Твоему помощь и защищение. Радуйся, о всем мире христианстем к Богу Ходатаице; Радуйся, благ всяческих Всеблагая Подательнице.
Радуйся, Обрадованная, во Успении Твоем нас не оставляющая.

Кондак 3

Сила Вышняго восхити от Индии Фому, за некое изволение Божие не прилучшуся ему в пречестное успение Богоматере, и предпостави живоприемному Ея гробу, иже, Преставльшуюся приник видети, уразуме вознесенную на Небеса с телом и, веровав, о сем возопи: Аллилуиа.

Икос 3

Имея в себе помышление ученик, яко Божиим смотрением бе ему не обрестися ко провождению Богоматере с прочими вкупе, обрадован быв о безсмертнем Ея Успении, сия вопияше к Ней:
Радуйся, восприемлемая от земли дланьма Сына Твоего; Радуйся, ко превышним возшедшая наслаждатися славы Его. Радуйся, провождаемая от всех чиноначалий ангельских в Горняя; Радуйся, подъемлемая Херувимы в Небесная и поднебесная. Радуйся, в Небесных вратех от старейших Сил велелепно песньми возносимая; Радуйся, от всех Небесных граждан окружаемая и блажимая. Радуйся, Небо земное, к Горнему селению возвышенное; Радуйся, Престоле Господень, от земли вознесенный в Царствие Небесное. Радуйся, предстательство наше и крепкое заступление; Радуйся, грешником Споручнице во спасение. Радуйся, Христианом Царице и по Бозе Надеждо Небеснаго Царствия; Радуйся, Мати Живота и по Господе нам упование жизни вечныя.
Радуйся, Обрадованная, во Успении Твоем нас не оставляющая.

Кондак 4

Бурю внутрь имея Аффоний помышлений неверных и зря Богоносными Апостолы Богоматере Пречестное Тело всечестне ко гробу несенное, ко опровержению устремися; внезапу же, егда со ослеплением очию руце его отъяте ко одру прилеплене висясте, верою Матерь Божию исповедаше, вопия Богу: Аллилуиа.

Икос 4

Слышавше таинницы и самовидцы Слова Ангелов, поющих превышними песньми при погребении Богоприятнаго тела Божия Матере, и честь подати хотяще Богоугодную, потщашася согласно пети, глаголюще:
Радуйся, благовестие приемшая о прошествии Твоем в Горнее Царствие; Радуйся, от благовестившаго Гавриила приемшая радостнаго рая вравие. Радуйся, пречестное херувимское множество просветившая; Радуйся, преславное серафимское естество возрадовавшая. Радуйся, от патриархов прообразованная; Радуйся, от пророков предвозвещенная. Радуйся, злую дерзость Аффониеву скоро отметившая; Радуйся, исцеление томужде подавшая. Радуйся, обратившая в веру Аффониево неверие; Радуйся, верное того приемшая исповедание. Радуйся, возводящая к Небеси любовь и веру к Тебе имущих; Радуйся, спасающая верою имя Твое призывающих.
Радуйся, Обрадованная, во Успении Твоем нас не оставляющая.

Кондак 5

Боготечныя звезды, Апостоли святии, в поднебесней разсеяннии ради Евангелия, восхищени быша на облацех, по широте воздушней, ко погребению Матере Господни, Юже пеньми и песньми провождающе, с Невещественными взываху: Аллилуиа.

Икос 5

Видевше Боговидцы своего Владыку, в руце Матере Своея душу приемша, и Господа Того разумевше, потщашася священнословия песньми благословне воспети Ю:
Радуйся, Царице, над всеми Царствующаго носившая; Радуйся, и Сама рукама Его Сыновнима носимая. Радуйся, скиптре царский в Христовой деснице; Радуйся, в руце Ноя ветвь голубицы. Радуйся, жезле Ааронов, прозябший нетление; Радуйся, крине неувядаемый, процветший безсмертие. Радуйся, Богоотца Давида цевнице Богодохновенная; Радуйся, пророчествия его возставшая слово, псалтирю и гусли прекрасныя. Радуйся, одушевленный святыни Господни кивоте; Радуйся, в покой Господень воскресший наш животе. Радуйся, скиние, от Херувимов осеняемая; Радуйся, Святая святых, от Серафимов глаголемая.
Радуйся, Обрадованная, во Успении Твоем нас не оставляющая.

Кондак 6

Проповедницы Богоноснии Апостоли, по отшествии ко премирным Божия Матере во общем селении обычныя трапезы бывше и предложение части хлеба во Имя Господне возносяще, внезапу свыше Богородицу Царицу, пришедшую со светоносными Ангелы, зряху и, мир тем от Сына и Бога подавшую слышавше, возгласиша о сем: Аллилуиа.

Икос 6

Возсия нам Солнце правды, Христос Бог от Твоих пречистых ложесн, волею и благоразумием проповедания чрез Апостолы мир просвети и Тя, Богоматерь, от рода и в род прослави. Темже и мы вси ублажаем Тя, вопиюще Ти:
Радуйся, Присноблаженная от всех родов во веки; Радуйся, благоутробная и Милостивая на человеки. Радуйся, ученическому лику обещание исполнившая; Радуйся, присещением Твоим от Сына Твоего и Бога мир тому подавшая. Радуйся, всежелательное святых сладкое зрение; Радуйся, преподобных матерей и дев святых всевеселящее радование. Радуйся, преходящая райское селение праведных; Радуйся, посещающая всех во славе небесней сущих. Радуйся, начало человеческаго спасения; Радуйся, исполнение всех благих желания. Радуйся, по Бозе, Царе царствующих, Богородице Царице; Радуйся, по Господе господствующих, Владыце нашем, Госпоже и Владычице.
Радуйся, Обрадованная, во Успении Твоем нас не оставляющая.

Кондак 7

Хотящих всех с верою входити в храм Твой святый, Богородице, присно спасаеши и славящих Тя от всяких напастей и бед свобождаеши; темже и благоверным людем, присноблажащим Тя, победы на сопротивныя даруй и вся ко спасению прошения нам подавай, о сем молящимся Тебе и поющим Богу: Аллилуиа.

Икос 7

Новую показа тварь, явлься нам, всех Творец Господь Тобою, Богородице. Ты же сродное промышление о нас к Нему имущи, честне почитающих пречестное Твое Успение, приими сицевая Тебе вопиющих:
Радуйся, Мати Богу, избранная от земных; Радуйся, превышшая земных и Небесных. Радуйся, Херувимов и Серафимов горе превозшедшая; Радуйся, лик ученический облаком ко погребению Ти доле совокупльшая. Радуйся, Фому по погребении Твоем силою Божиею предпоставившая изряднее; Радуйся, чрез него уверившая Твое на Небо с плотию преселение. Радуйся, красотою всех добродетелей украшенная; Радуйся, краснейшему паче сынов человеческих Сынови Своему сопричтенная. Радуйся, яко финикс, плотию воскресшею процветшая; Радуйся, яко кедр в Ливане небесном, умножившаяся. Радуйся, древо живота, насажденное посреде рая превышняго; Радуйся, ковчеже мысленный возвышенный в Горняя от потопа смертнаго.
Радуйся, Обрадованная, во Успении Твоем нас не оставляющая.

Кондак 8

Странно в превышних ведуще Тя, Избранная, яко солнце, Владычице, внутрь пренебесных недомыслимых красот и неизреченных доброт, умильно к Сыну и Богу, дланьма Его держиму, возшедшую и прерадостно преклоньшуюся живоначальней Его деснице, о сем непрестанно вопием: Аллилуиа.

Икос 8

Вся бывши горе, к Небесным взята и, земных не оставляющи, Богомати, рукама Сыновнима носима, в незаходимая вниде, во оный град всесветящий и прекрасный, Иерусалим вышний, Херувимы обстоима со всеми Небесными силами, идеже слышит поющих сия:
Радуйся, Еяже пресвятая душа в вышнем всесветлом Сионе вселяется; Радуйся, Еяже и нетленное тело таможде с душею купно прославляется. Радуйся, вшедшая в престольный град Самаго Вседержителя; Радуйся, вознесшаяся в прекрасный рай Вышняго Насадителя. Радуйся, пренесенная во град, основанный от каменей всесветяших; Радуйся, введенная во ограду, обстоимую вои сил превышних. Радуйся, превышше Небес во благолепие Божие взятая; Радуйся, паче всех невещественных умов почтенная. Радуйся, приносящая к Сыну Своему и Богу моление верных; Радуйся, и Сама непрестанно у Престола Сына Твоего и Бога молящаяся о всех. Радуйся, Предстательнице к Богу, мир спасающая; Радуйся, Заступнице, роду христианскому от Бога дарованная.
Радуйся, Обрадованная, во Успении Твоем нас не оставляющая.

Кондак 9

Всякое естество ангельское превозносит Тя, Богородице, человечестии же роди вси Матерь Тя Божию славим и почитаем пречестное Твое Успение, Царице: Тебе бо ради земнии Небесным совокупляются, согласно поюще Богу: Аллилуиа.

Икос 9

Ветийства Боговещанньгх пророческих речений ныне зрим о Тебе сбывшаяся, Богородице, яко воистину Бога плотию родила еси нам. Темже таинству словесе Божия верующе, вопием:
Радуйся, закона и пророков главизно совершенная; Радуйся, звездо Иаковля, Валаамом пророкованная. Радуйся, одре Царя Великаго, вещанный Соломоном; Радуйся, руно, орошенное Иисусом, образованное Гедеоном. Радуйся, Неопалимая Купино, законоположником предзримая; Радуйся, горо святая, мужем желания усмотренная. Радуйся, лествице небесная, Иаковом предвидимая; Радуйся, двере непроходимая, Иезекиилем предзримая. Радуйся, солнце селения Христова, псалмопевцем предъявленное; Радуйся, таинство, многообразне пророки пронареченное. Радуйся, пророческих глагол всех, предреченных о Тебе, конец принесшая; Радуйся, Вышняго смотрения вся за спасение мира совершившая.
Радуйся, Обрадованная, во Успении Твоем нас не оставляющая.

Кондак 10

Спасти хотя мир, Иже всех Господь от земнаго Тя рода избра в Матерь Себе и, нас ради быв человек, взыде, отнюдуже сниде, к Небеси от земли, и Тебе с Собою возведе ко пребыванию во славе вечней и соцарствованию с Собою, конца не имущему, Темже, яко Бог, слышит от всех: Аллилуиа.

Икос 10

Стена еси верным, Богородице Дево, и заступление всем, к Тебе прибегающим, ибо Небесе и земли Творец, от Тебе плотию прошед, Пречистая, духом и телом в Небесная Тя пресели, ко ближайшему предстательству о всех, ихже приглашати научи:
Радуйся, граде Царя Великаго верху горы Небесныя; Радуйся, стено и покрове, не крыющийся от нашего притекания. Радуйся, верным на враги пособствующая; Радуйся, нашествия агарянская побеждающая. Радуйся, веры благочестивыя недвижимое сохранение; Радуйся, еретичествующих полков разорение. Радуйся, радость и умирение миру сущая; Радуйся, всегубительнаго ада поправшая. Радуйся, воинствующих на плоть целомудрием изрядное венчание; Радуйся, мученических подвигов всечестное прославление. Радуйся, преподобных трудом Ходатаице блаженнаго упокоения; Радуйся, иноком благоскорбящим Подательнице вечнаго радования.
Радуйся, Обрадованная, во Успении Твоем нас не оставляющая.

Кондак 11

Пение всякое Богодухновенных песней не довлеет от нас ко похвале всечестнаго Успения Твоего, Всехвальная Владычице, Царице Богородице, но усердно Тебе приносим, яко Матери Царя всех, смиренное моление наше, с Небесными чинми поюще Единому достойно прославляющему Тя Богу: Аллилуиа.

Икос 11

Светоприемная свеща истиннаго Света сущим нам на земли явльшися, души просвещаеши и чтущих Твое всечестное преставление к разуму Божественному наставляеши, да поем Ти сицевая:
Радуйся, свеще неугасимая огня невещественнаго; Радуйся, заре незаходимая Света невечерняго. Радуйся, луно, от Солнца правды облиставаемая; Радуйся, светлосте, во тьме святящая. Радуйся, светильниче, на свещнице превышнем поставленный; Радуйся, источниче жизни, из гроба во свет изведенный. Радуйся, Мати Света умнаго, благочестивых души просвещающаго; Радуйся, Мати всех Бога, озлобленных души утешающаго. Радуйся, уповающим на Тя живота конец непостыдный дарующая; Радуйся, достояние Божиим и Своим рабом на Суде Сына Твоего одесную Его устрояющая. Радуйся, Преблаженная, яко Тобою блажени есмы и мы, иже Помощницу Тя имамы; Радуйся, Преблагословенная в род и род, яко Господь с Тобою, и Тобою с нами.
Радуйся, Обрадованная, во Успении Твоем нас не оставляющая.

Кондак 12

Благодать высокопрестольныя славы, на небесех дарованную Богоматери, почтенной седением одесную Сына Ея и Бога видяще горнии умы, подъяша Ю Престоли и Силы, окружиша Начала и Власти, припадоша страшнии Херувими, Серафими и Господства, со Архангелы и Ангелы вопиюще: Аллилуиа.

Икос 12

Поюще всечестное Твое Успение, восхваляем вси ко пренебесным возсшествие Твое, Царице Богомати. Ты же освяти, прослави и спаси всех, любовию поющих Тебе:
Радуйся, очистившая землю пречистыми ног Твоих стопами; Радуйся, освятившая воздух восхождением Твоим к Небеси. Радуйся, на Небесный круг возступившая; Радуйся, вся доброты неизреченныя зрящая. Радуйся, во славе приседящая престолу Сына Твоего и Бога; Радуйся, с Сыном и Богом вечно царствующая. Радуйся, красото в деснице Господней, украшающая блажащих Тя всех Небесных; Радуйся, обрадованная надеянием на Тя всех земных. Радуйся, облеченная в солнце, сияющая благодатию и славою всей вселенней; Радуйся, обещавшая сохраняти и спасати призывающих Тя всех в поднебесней. Радуйся, от христианских родов Мати Божия почитаемая и Богородица именуемая; Радуйся, от восток солнца до запад преславно и православно от всех благочестивых славимая.
Радуйся, Обрадованная, во Успении Твоем нас не оставляющая.

Кондак 13

О Всепетая Мати Безсмертнаго Царя Небесе и земли, Христа Бога нашего, живущая и по смерти, нынешняя приношения о всечестном Твоем Успении от нас приемши, в жизни сей и в смертнем успении нашем от всякия напасти, бед и муки избави и Небеснаго Царствия нас, Царице, сподоби, о Тебе вопиющих: Аллилуиа.

Молитва

О Пресвятая Богородице, Дево, Владычице, вышшая Ангел и Архангел, и всея твари честнейшая, ангельское великое удивление, пророческая высокая проповедь, апостольская преславная похвало, святителей изрядное украшение, мучеников крепкое утверждение, иноков спасительное наставление, постников неизнемогающее воздержание, девствующих чистото и слово, матерей тихое веселие, младенцев мудросте и наказание, вдовиц и сирых кормительнице, нагих одеяние, болящих здравие, пленников избавление, по морю плавающих тишино, обуреваемых небурное пристанище, блуждающих нетрудная наставнице, путешествующих легкое прехождение, труждающихся благое покоище, в бедах сущих скорая Заступнице, обидимых покрове и прибежище, ненадеющихся надеяние, требующих помощнице, нищих неистощимое богатство, печальных присное утешение, ненавидимых любовное смирение, грешников спасение и к Богу присвоение, правоверных всех твердое ограждение, непобедимое поможение и заступление.
Темже всечестный образ Твой, и рукою Твоею держимаго Вседержителя видяще на иконе, радуемся грешнии, со умилением припадающе, и любовию сей целуем, чающе, Госпоже, Твоими святыми Богоприятными молитвами дойти небесныя безконечныя жизни, и непостыдно стати в день судный одесную Сына Твоего и Бога нашего, славяще Его купно со Безначальным Отцем, и Пресвятым, Благим, Животворящим и Единосущным Духом, во веки веков. Аминь

Посмотрите видео о молитве на успение Богородицы

Акафист Успению Пресвятой Богородицы является церковно-православным хоровым песнопением. Создан он в честь почитаемой иконы Богоматери, которая написана, чтобы прославить и увековечить память о том, что Святейшая из всех святых покинула этот грешный мир, но стала Царицей Небесной и в усыновление получила весь человеческий род. Богородица день и ночь молит Господа Бога о прощении грехов, которые совершаются каждый день человеком.

Икона Успение Пресвятой Богородице — чудотворная святыня христиан, которая наделена принимать молитвы нуждающихся. В праздник Успения, который каждый год отмечается в августе 28 числа по новому стилю и 15 по старому календарю, читают хвалебный акафист Успению Богородицы. Повсеместно построено множество Успенских храмов, в которых обязательно находится Успенская икона Божьей Матери.

Все акафисты по своему значению схожи с гимном. Следовательно, читают или поют их стоя. Акафист Успению Пресвятой Богородицы, как и другие акафисты, иконам Святейшей Девы, прославляет и возвышает Ее. Чтение акафистов занимает особое место среди молитв, которые относятся к благодарственным молитвам . Богоматерь видит и знает, что необходимо каждому человеку. Это значит, что прославлять Божью Мать важнее, чем обращаться к ней с просьбами. Бывали случаи, что Святейшая дева сама являлась людям, которые прибывали в определенной нужде, и говорила какой иконе Ее читать молитву или заказывать водосвятный молебен с акафистом.

«Великий акафист» является прародителем всех акафистов иконам Богоматери, а церковный акафист Успению Богородицы тоже написан по его примеру. Данный жанр церковно-православного хорового песнопения в уставные богослужебные сутки православной церкви не вошел. Он относится скорее к благодарственным домашним молитвам, которые предназначены для самостоятельного прочтения. Не обязательно брать благословение священника для того, чтобы читать акафисты, но повелению сердца можно. Читают их перед иконами тех святых, которым посвящается хвалено-благодарственное песнопение.

Сам православный акафист Успению Пресвятой Богородицы найдется в любых молитвословах, которые продаются в иконных лавках, находящихся на территории православной церкви, а также на сайтах в интернете, которые посвящены православной тематике. Православная церковь уже давно использует интернет сеть в информационных и других целях. Следовательно, христианский акафист Успению Богородицы можно не только читать, но и слушать в записи. Прослушивание акафистов весьма полезно для духовного развития любого верующего, а также поможет малоопытным прихожанам, которые только учатся произносить правильно слова молитв и расставлять ударения в акафистах.

Текст акафиста Успению Пресвятой Богородицы

Кондак №1

Избранной от всех родов Божией Матери и Царице, восходящей от земли к Небеси, благоговейная пения о пречестнем Твоем Успении приносим раби Твои, Богородице. Ты же, яко имущая победу над смертию, от всяких нас смертоносных бед свободи, да зовем Ти: Радуйся, Обрадованная, во Успении Твоем нас не оставляющая.

Икос №1

Ангел предстатель послан бысть рещи Богородице ко премирным Ея возшествие и приити предъявление к Ней Сыну Ея и Богу, светло о Ней блистаяся и стоя, зовый таковая: Радуйся, прерадованная Мати Царева; Радуйся, Небесная Царице, Мати Бога и Господа Небесе и земли. Радуйся, предпочтенная превеличеством пришествия к Тебе Сына Твоего и Бога; Радуйся, возвеличенная извещением Твоего к Сыну отшествия. Радуйся, от всех родов Богом избранная; Радуйся, святое вместилище Слова Божия . Радуйся, пророческаго проречения исполнение; Радуйся, Апостолом пречестный венче. Радуйся, святителем украшение и священником доброто; Радуйся, правителем удобрение и державо. Радуйся, Богомудрых иноков возведение к Горнему Царствию; Радуйся, отверзающая райския двери христианскому роду, присно Тя блажещему. Радуйся, Обрадованная, во Успении Твоем нас не оставляющая.

Кондак №2

Видяще Апостолов лик, всесильным мановением от конец земли на облацех представших ко Пречестному Твоему, Пренепорочная. Успению, священноначальницы: Дионисий — небесный таинник, Иерофей дивный и Тимофей с Боголепною честию священства пояху Богу: Аллилуиа.

Икос №2

Разумная вся тварь, старейшая чиноначалия ангельская приидоша со своим Царем, Иже во Своя живоначальнейшия руце душу Матере Своея прият; теплый же верою Петр со слезами многая к Ней изрече, зовый: Радуйся, ко премирным, Мати Творца миру, восходящая; Радуйся, к пренебесным, пространнейшая небес, вземлющаяся. Радуйся, четверочастное стихий освятившая Твоим восхождением; Радуйся, Небесных возвеселившая Твоим прехождением. Радуйся, во Иерусалим Горний прекрасный приятая; Радуйся, в нерукотворенныя храмы прерадостно вшедшая. Радуйся, Херувимов и Серафимов Царице; Радуйся, Архангелов Владычице. Радуйся, прибежище верных и избавление; Радуйся, достоянию Твоему помощь и защищение. Радуйся, о всем мире христианстем к Богу Ходатаице; Радуйся, благ всяческих Всеблагая Подательнице. Радуйся, Обрадованная, во Успении Твоем нас не оставляющая.

Кондак №3

Сила Вышняго восхити от Индии Фому, за некое изволение Божие не прилучшуся ему в пречестное успение Богоматере, и предпостави живоприемному Ея гробу, иже, Преставльшуюся приник видети, уразуме вознесенную на Небеса с телом и, веровав, о сем возопи: Аллилуиа.

Икос №3

Имея в себе помышление ученик, яко Божиим смотрением бе ему не обрестися ко провождению Богоматере с прочими вкупе, обрадован быв о безсмертнем Ея Успении, сия вопияше к Ней: Радуйся, восприемлемая от земли дланьма Сына Твоего; Радуйся, ко превышним возшедшая наслаждатися славы Его. Радуйся, провождаемая от всех чиноначалий ангельских в Горняя; Радуйся, подъемлемая Херувимы в Небесная и поднебесная. Радуйся, в Небесных вратех от старейших Сил велелепно песньми возносимая; Радуйся, от всех Небесных граждан окружаемая и блажимая. Радуйся, Небо земное, к Горнему селению возвышенное; Радуйся, Престоле Господень, от земли вознесенный в Царствие Небесное. Радуйся, предстательство наше и крепкое заступление; Радуйся, грешником Споручнице во спасение. Радуйся, Христианом Царице и по Бозе Надеждо Небеснаго Царствия; Радуйся, Мати Живота и по Господе нам упование жизни вечныя. Радуйся, Обрадованная, во Успении Твоем нас не оставляющая.

Кондак №4

Бурю внутрь имея Аффоний помышлений неверных и зря Богоносными Апостолы Богоматере Пречестное Тело всечестне ко гробу несенное, ко опровержению устремися; внезапу же, егда со ослеплением очию руце его отъяте ко одру прилеплене висясте, верою Матерь Божию исповедаше, вопия Богу: Аллилуиа.

Икос №4

Слышавше таинницы и самовидцы Слова Ангелов, поющих превышними песньми при погребении Богоприятнаго тела Божия Матере, и честь подати хотяще Богоугодную, потщашася согласно пети, глаголюще: Радуйся, благовестие приемшая о прошествии Твоем в Горнее Царствие; Радуйся, от благовестившаго Гавриила приемшая радостнаго рая вравие. Радуйся, пречестное херувимское множество просветившая; Радуйся, преславное серафимское естество возрадовавшая. Радуйся, от патриархов прообразованная; Радуйся, от пророков предвозвещенная. Радуйся, злую дерзость Аффониеву скоро отметившая; Радуйся, исцеление томужде подавшая. Радуйся, обратившая в веру Аффониево неверие; Радуйся, верное того приемшая исповедание. Радуйся, возводящая к Небеси любовь и веру к Тебе имущих; Радуйся, спасающая верою имя Твое призывающих. Радуйся, Обрадованная, во Успении Твоем нас не оставляющая.

Кондак №5

Боготечныя звезды, Апостоли святии, в поднебесней разсеяннии ради Евангелия, восхищени быша на облацех, по широте воздушней, ко погребению Матере Господни, Юже пеньми и песньми провождающе, с Невещественными взываху: Аллилуиа.

Икос №5

Видевше Боговидцы своего Владыку, в руце Матере Своея душу приемша, и Господа Того разумевше, потщашася священнословия песньми благословне воспети Ю: Радуйся, Царице, над всеми Царствующаго носившая; Радуйся, и Сама рукама Его Сыновнима носимая. Радуйся, скиптре царский в Христовой деснице; Радуйся, в руце Ноя ветвь голубицы. Радуйся, жезле Ааронов, прозябший нетление; Радуйся, крине неувядаемый, процветший безсмертие. Радуйся, Богоотца Давида цевнице Богодохновенная; Радуйся, пророчествия его возставшая слово, псалтирю и гусли прекрасныя. Радуйся, одушевленный святыни Господни кивоте; Радуйся, в покой Господень воскресший наш животе. Радуйся, скиние, от Херувимов осеняемая; Радуйся, Святая святых, от Серафимов глаголемая. Радуйся, Обрадованная, во Успении Твоем нас не оставляющая.

Кондак №6

Проповедницы Богоноснии Апостоли, по отшествии ко премирным Божия Матере во общем селении обычныя трапезы бывше и предложение части хлеба во Имя Господне возносяще, внезапу свыше Богородицу Царицу, пришедшую со светоносными Ангелы, зряху и, мир тем от Сына и Бога подавшую слышавше, возгласиша о сем: Аллилуиа.

Икос №6

Возсия нам Солнце правды, Христос Бог от Твоих пречистых ложесн, волею и благоразумием проповедания чрез Апостолы мир просвети и Тя, Богоматерь, от рода и в род прослави. Темже и мы вси ублажаем Тя, вопиюще Ти: Радуйся, Присноблаженная от всех родов во веки; Радуйся, благоутробная и Милостивая на человеки. Радуйся, ученическому лику обещание исполнившая; Радуйся, присещением Твоим от Сына Твоего и Бога мир тому подавшая. Радуйся, всежелательное святых сладкое зрение; Радуйся, преподобных матерей и дев святых всевеселящее радование. Радуйся, преходящая райское селение праведных; Радуйся, посещающая всех во славе небесней сущих. Радуйся, начало человеческаго спасения; Радуйся, исполнение всех благих желания. Радуйся, по Бозе, Царе царствующих, Богородице Царице; Радуйся, по Господе господствующих, Владыце нашем, Госпоже и Владычице. Радуйся, Обрадованная, во Успении Твоем нас не оставляющая.

Кондак №7

Хотящих всех с верою входити в храм Твой святый, Богородице, присно спасаеши и славящих Тя от всяких напастей и бед свобождаеши; темже и благоверным людем, присноблажащим Тя, победы на сопротивныя даруй и вся ко спасению прошения нам подавай, о сем молящимся Тебе и поющим Богу: Аллилуиа.

Икос №7

Новую показа тварь, явлься нам, всех Творец Господь Тобою, Богородице. Ты же сродное промышление о нас к Нему имущи, честне почитающих пречестное Твое Успение, приими сицевая Тебе вопиющих: Радуйся, Мати Богу, избранная от земных; Радуйся, превышшая земных и Небесных. Радуйся, Херувимов и Серафимов горе превозшедшая; Радуйся, лик ученический облаком ко погребению Ти доле совокупльшая. Радуйся, Фому по погребении Твоем силою Божиею предпоставившая изряднее; Радуйся, чрез него уверившая Твое на Небо с плотию преселение. Радуйся, красотою всех добродетелей украшенная; Радуйся, краснейшему паче сынов человеческих Сынови Своему сопричтенная. Радуйся, яко финикс, плотию воскресшею процветшая; Радуйся, яко кедр в Ливане небесном, умножившаяся. Радуйся, древо живота, насажденное посреде рая превышняго; Радуйся, ковчеже мысленный возвышенный в Горняя от потопа смертнаго. Радуйся, Обрадованная, во Успении Твоем нас не оставляющая.

Кондак №8

Странно в превышних ведуще Тя, Избранная, яко солнце, Владычице, внутрь пренебесных недомыслимых красот и неизреченных доброт, умильно к Сыну и Богу, дланьма Его держиму, возшедшую и прерадостно преклоньшуюся живоначальней Его деснице, о сем непрестанно вопием: Аллилуиа.

Икос №8

Вся бывши горе, к Небесным взята и, земных не оставляющи, Богомати, рукама Сыновнима носима, в незаходимая вниде, во оный град всесветящий и прекрасный, Иерусалим вышний, Херувимы обстоима со всеми Небесными силами, идеже слышит поющих сия: Радуйся, Еяже пресвятая душа в вышнем всесветлом Сионе вселяется; Радуйся, Еяже и нетленное тело таможде с душею купно прославляется. Радуйся, вшедшая в престольный град Самаго Вседержителя; Радуйся, вознесшаяся в прекрасный рай Вышняго Насадителя. Радуйся, пренесенная во град, основанный от каменей всесветяших; Радуйся, введенная во ограду, обстоимую вои сил превышних. Радуйся, превышше Небес во благолепие Божие взятая; Радуйся, паче всех невещественных умов почтенная. Радуйся, приносящая к Сыну Своему и Богу моление верных; Радуйся, и Сама непрестанно у Престола Сына Твоего и Бога молящаяся о всех. Радуйся, Предстательнице к Богу, мир спасающая; Радуйся, Заступнице, роду христианскому от Бога дарованная. Радуйся, Обрадованная, во Успении Твоем нас не оставляющая.

Кондак №9

Всякое естество ангельское превозносит Тя, Богородице, человечестии же роди вси Матерь Тя Божию славим и почитаем пречестное Твое Успение, Царице: Тебе бо ради земнии Небесным совокупляются, согласно поюще Богу: Аллилуиа.

Икос №9

Ветийства Боговещанньгх пророческих речений ныне зрим о Тебе сбывшаяся, Богородице, яко воистину Бога плотию родила еси нам. Темже таинству словесе Божия верующе, вопием: Радуйся, закона и пророков главизно совершенная; Радуйся, звездо Иаковля, Валаамом пророкованная. Радуйся, одре Царя Великаго, вещанный Соломоном; Радуйся, руно, орошенное Иисусом, образованное Гедеоном. Радуйся, Неопалимая Купино, законоположником предзримая; Радуйся, горо святая, мужем желания усмотренная. Радуйся, лествице небесная, Иаковом предвидимая; Радуйся, двере непроходимая, Иезекиилем предзримая. Радуйся, солнце селения Христова, псалмопевцем предъявленное; Радуйся, таинство, многообразне пророки пронареченное. Радуйся, пророческих глагол всех, предреченных о Тебе, конец принесшая; Радуйся, Вышняго смотрения вся за спасение мира совершившая. Радуйся, Обрадованная, во Успении Твоем нас не оставляющая.

Кондак №10

Спасти хотя мир, Иже всех Господь от земнаго Тя рода избра в Матерь Себе и, нас ради быв человек, взыде, отнюдуже сниде, к Небеси от земли, и Тебе с Собою возведе ко пребыванию во славе вечней и соцарствованию с Собою, конца не имущему, Темже, яко Бог, слышит от всех: Аллилуиа.

Икос №10

Стена еси верным, Богородице Дево, и заступление всем, к Тебе прибегающим, ибо Небесе и земли Творец, от Тебе плотию прошед, Пречистая, духом и телом в Небесная Тя пресели, ко ближайшему предстательству о всех, ихже приглашати научи: Радуйся, граде Царя Великаго верху горы Небесныя; Радуйся, стено и покрове, не крыющийся от нашего притекания. Радуйся, верным на враги пособствующая; Радуйся, нашествия агарянская побеждающая. Радуйся, веры благочестивыя недвижимое сохранение; Радуйся, еретичествующих полков разорение. Радуйся, радость и умирение миру сущая; Радуйся, всегубительнаго ада поправшая. Радуйся, воинствующих на плоть целомудрием изрядное венчание; Радуйся, мученических подвигов всечестное прославление. Радуйся, преподобных трудом Ходатаице блаженнаго упокоения; Радуйся, иноком благоскорбящим Подательнице вечнаго радования. Радуйся, Обрадованная, во Успении Твоем нас не оставляющая.

Кондак №11

Пение всякое Богодухновенных песней не довлеет от нас ко похвале всечестнаго Успения Твоего, Всехвальная Владычице, Царице Богородице, но усердно Тебе приносим, яко Матери Царя всех, смиренное моление наше, с Небесными чинми поюще Единому достойно прославляющему Тя Богу: Аллилуиа.

Икос №11

Светоприемная свеща истиннаго Света сущим нам на земли явльшися, души просвещаеши и чтущих Твое всечестное преставление к разуму Божественному наставляеши, да поем Ти сицевая: Радуйся, свеще неугасимая огня невещественнаго; Радуйся, заре незаходимая Света невечерняго. Радуйся, луно, от Солнца правды облиставаемая; Радуйся, светлосте, во тьме святящая. Радуйся, светильниче, на свещнице превышнем поставленный; Радуйся, источниче жизни, из гроба во свет изведенный. Радуйся, Мати Света умнаго, благочестивых души просвещающаго; Радуйся, Мати всех Бога, озлобленных души утешающаго. Радуйся, уповающим на Тя живота конец непостыдный дарующая; Радуйся, достояние Божиим и Своим рабом на Суде Сына Твоего одесную Его устрояющая. Радуйся, Преблаженная, яко Тобою блажени есмы и мы, иже Помощницу Тя имамы; Радуйся, Преблагословенная в род и род, яко Господь с Тобою, и Тобою с нами. Радуйся, Обрадованная, во Успении Твоем нас не оставляющая.

Кондак №12

Благодать высокопрестольныя славы, на небесех дарованную Богоматери, почтенной седением одесную Сына Ея и Бога видяще горнии умы, подъяша Ю Престоли и Силы, окружиша Начала и Власти, припадоша страшнии Херувими, Серафими и Господства, со Архангелы и Ангелы вопиюще: Аллилуиа.

Икос №12

Поюще всечестное Твое Успение, восхваляем вси ко пренебесным возсшествие Твое, Царице Богомати. Ты же освяти, прослави и спаси всех, любовию поющих Тебе: Радуйся, очистившая землю пречистыми ног Твоих стопами; Радуйся, освятившая воздух восхождением Твоим к Небеси. Радуйся, на Небесный круг возступившая; Радуйся, вся доброты неизреченныя зрящая. Радуйся, во славе приседящая престолу Сына Твоего и Бога; Радуйся, с Сыном и Богом вечно царствующая. Радуйся, красото в деснице Господней, украшающая блажащих Тя всех Небесных; Радуйся, обрадованная надеянием на Тя всех земных. Радуйся, облеченная в солнце, сияющая благодатию и славою всей вселенней; Радуйся, обещавшая сохраняти и спасати призывающих Тя всех в поднебесней. Радуйся, от христианских родов Мати Божия почитаемая и Богородица именуемая; Радуйся, от восток солнца до запад преславно и православно от всех благочестивых славимая. Радуйся, Обрадованная, во Успении Твоем нас не оставляющая.

Кондак №13

О Всепетая Мати Безсмертнаго Царя Небесе и земли, Христа Бога нашего, живущая и по смерти, нынешняя приношения о всечестном Твоем Успении от нас приемши, в жизни сей и в смертнем успении нашем от всякия напасти, бед и муки избави и Небеснаго Царствия нас, Царице, сподоби, о Тебе вопиющих: Аллилуиа.

(Этот кондак читается 3 раза, затем икос №1 и кондак №1)

Молитва ко Пресвятой Богородице:

О Пресвятая Богородице, Дево, Владычице, вышшая Ангел и Архангел, и всея твари честнейшая, ангельское великое удивление, пророческая высокая проповедь, апостольская преславная похвало, святителей изрядное украшение, мучеников крепкое утверждение, иноков спасительное наставление, постников неизнемогающее воздержание, девствующих чистото и слово, матерей тихое веселие, младенцев мудросте и наказание, вдовиц и сирых кормительнице, нагих одеяние, болящих здравие, пленников избавление, по морю плавающих тишино, обуреваемых небурное пристанище, блуждающих нетрудная наставнице, путешествующих легкое прехождение, труждающихся благое покоище, в бедах сущих скорая Заступнице, обидимых покрове и прибежище, ненадеющихся надеяние, требующих помощнице, нищих неистощимое богатство, печальных присное утешение, ненавидимых любовное смирение, грешников спасение и к Богу присвоение, правоверных всех твердое ограждение, непобедимое поможение и заступление.

Тобою нам, Владычице, невидимый видим бысть, и Тебе мольбу приносим, Госпоже, грешнии раби Твои: о премилостивая и пречудная света умнаго Царице, рождшая Царя Христа Бога нашего, Живодавца всех, от небесных славимая и от земных хвалимая: ангельский уме, светозарная звездо, святых пресвятейшая, Царице цариц, владычице всех тварей, Боголепная Девице, нескверная Невесто, палато Духа Пресвятаго, огненный престоле невидимаго Царя, небесный кивоте, носило Слова Божия, огнеобразная колеснице, покоище живаго Бога, неизреченное составление Плоти Христовы: гнездо Орла Небеснаго, горлице Богогласная, голубице кроткая, тихая и незлобивая, мати чадолюбивая, милостей бездно, разверзающая тучу гнева Божия, неизмеримая глубино, неизреченная тайно, несведомое чудо, нерукотворенная церкве единаго Царя всех век, благоуханное кадило, честная багрянице, Боготканная порфиро, душевный раю, живоноснаго сада отрасле, цвете прекрасный, процветший нам небесное веселие, грозде спасения нашего, чаше Царя Небеснаго, в нейже растворися от Духа Святаго вино неизчерпаемая благодати, Ходатаице закона, зачало истинныя веры Христовы, непоколебимый столпе, еретиков пагубо, мечу ярости Божия на Богопротивных, бесов устрашение, во бранех побеждение, христиан всех неложная хранительнице, и мира всего известное спасение.

О всемилостивая Госпоже, Дево, Владычице, Богородице, услыши нас молящихся Тебе и яви милость Твою на людех Твоих, моли Сына Своего избавитися нам от всякаго зла, и сохрани обитель нашу, и всяку обитель, и град, и страну верных, и люди благочестно прибегающыя и призывающыя имя Твое святое, от всякия напасти, губительства, глада, потопа, огня, меча, нашествия иноплеменников, междоусобныя брани, от всякия болезни, и всякаго обстояния: да ни ранами, ни прещением, ни мором, ни всяким праведным гневом Божиих умалятся раби Твои: но соблюдай и спасай милостию Своею, Госпоже, за ны молящися, и полезное благорастворение воздуха ко времени плоднаго приношения нам даруй: облегчи, возстави и помилуй, премилостивая Владычице, Богородице препетая, во всякой беде и нужде сущыя.

Помяни рабы Твои, и не презри слез и воздыхания нашего и обнови нас благостию Своея милости, да со благодарением утешаемся обретше Тя Помощницу. Умилосердися, Госпоже Пречистая, на немощныя люди Твоя, надеждо наша: разсеянныя собери, заблуждшыя на путь правый настави, отпадшия от благочестивыя отеческия веры паки возврати, старость поддержи, юныя накажи, младенцы воспитай, и прослави славящыя Тя, изрядне же Церковь Сына Твоего соблюди, и сохрани в долготу дний.

О милостивая и премилостивая Царице небесе и земли, Богородице Приснодево! Ходатаиством Твоим помилуй страну нашу и христолюбивых жителей ея, и вся православныя христианы, сохраняющи их под покровом милости Твоя, ризою Твоею честною защити: и моли из Тебе воплощшагося без семене Христа Бога нашего, да препояшет ны свыше силою на вся видимыя и невидимыя враги наша, на иноплеменники и единоплеменники, воюющыя на ны и на веру нашу православную.

Спаси же и помилуй, Госпоже, святейшия патриархи, митрополиты, преосвященныя архиепископы и епископы православныя, иереи же и диаконы, и весь причет церковный, и вся правоверныя люди покланяющыяся и молящыяся пред честною Твоею иконою. Призри на всех призрением милостивнаго Твоего заступления: Воздвигни нас из глубины греховныя, и просвети очи сердечныя ко зрению спасения, милостива нам буди зде, и на страшном суде Сына Твоего о нас умоли, преставльшыяся во благочестии от жития сего рабы Твоя, в вечной жизни со Ангелы и Архангелы, и со всеми святыми причти, да одесную Сына Твоего и Бога предстанут: и молитвою Твоею сподоби вся православныя христианы со Христом жити, и радости ангельския в небесных селениих наслаждатися. Ты бо еси, Госпоже, слава небесных и упование земных, Ты наша надежда, и заступница всех притекающих к Тебе, и Твоея святыя помощи просящих: Ты молебница наша теплая к Сыну Твоему и Богу нашему: Твоя матерняя молитва много может на умоление Владыки, и Твоим предстательством ко престолу благодати Пресвятых и Животворящих Его Таин приступати дерзаем аще и недостойнии.

Темже всечестный образ Твой, и рукою Твоею держимаго Вседержителя видяще на иконе, радуемся грешнии, со умилением припадающе, и любовию сей целуем, чающе, Госпоже, Твоими святыми Богоприятными молитвами дойти небесныя безконечныя жизни, и непостыдно стати в день судный одесную Сына Твоего и Бога нашего, славяще Его купно со Безначальным Отцем, и Пресвятым, Благим, Животворящим и Единосущным Духом, во веки веков. Аминь

Избранной от всех родов Божией Матери и Царице, восходящей от земли к Небеси, благоговейная пения о пречестнем Твоем Успении приносим раби Твои, Богородице. Ты же, яко имущая победу над смертию, от всяких нас смертоносных бед свободи, да зовем Ти: Радуйся, Обрадованная, во Успении Твоем нас не оставляющая.

Икос 1

Ангел предстатель послан бысть рещи Богородице ко премирным Ея возшествие и приити предъявление к Ней Сыну Ея и Богу, светло о Ней блистаяся и стоя, зовый таковая: Радуйся, прерадованная Мати Царева; Радуйся, Небесная Царице, Мати Бога и Господа Небесе и земли. Радуйся, предпочтенная превеличеством пришествия к Тебе Сына Твоего и Бога; Радуйся, возвеличенная извещением Твоего к Сыну отшествия. Радуйся, от всех родов Богом избранная; Радуйся, святое вместилище Слова Божия. Радуйся, пророческаго проречения исполнение; Радуйся, Апостолом пречестный венче. Радуйся, святителем украшение и священником доброто; Радуйся, правителем удобрение и державо. Радуйся, Богомудрых иноков возведение к Горнему Царствию; Радуйся, отверзающая райския двери христианскому роду, присно Тя блажещему. Радуйся, Обрадованная, во Успении Твоем нас не оставляющая.

Кондак 2

Видяще Апостолов лик, всесильным мановением от конец земли на облацех представших ко Пречестному Твоему, Пренепорочная. Успению, священноначальницы: Дионисий - небесный таинник, Иерофей дивный и Тимофей с Боголепною честию священства пояху Богу: Аллилуиа.

Икос 2

Разумная вся тварь, старейшая чиноначалия ангельская приидоша со своим Царем, Иже во Своя живоначальнейшия руце душу Матере Своея прият; теплый же верою Петр со слезами многая к Ней изрече, зовый: Радуйся, ко премирным, Мати Творца миру, восходящая; Радуйся, к пренебесным, пространнейшая небес, вземлющаяся. Радуйся, четверочастное стихий освятившая Твоим восхождением; Радуйся, Небесных возвеселившая Твоим прехождением. Радуйся, во Иерусалим Горний прекрасный приятая; Радуйся, в нерукотворенныя храмы прерадостно вшедшая. Радуйся, Херувимов и Серафимов Царице; Радуйся, Архангелов Владычице. Радуйся, прибежище верных и избавление; Радуйся, достоянию Твоему помощь и защищение. Радуйся, о всем мире христианстем к Богу Ходатаице; Радуйся, благ всяческих Всеблагая Подательнице. Радуйся, Обрадованная, во Успении Твоем нас не оставляющая.

Кондак 3

Сила Вышняго восхити от Индии Фому, за некое изволение Божие не прилучшуся ему в пречестное успение Богоматере, и предпостави живоприемному Ея гробу, иже, Преставльшуюся приник видети, уразуме вознесенную на Небеса с телом и, веровав, о сем возопи: Аллилуиа.

Икос 3

Имея в себе помышление ученик, яко Божиим смотрением бе ему не обрестися ко провождению Богоматере с прочими вкупе, обрадован быв о безсмертнем Ея Успении, сия вопияше к Ней: Радуйся, восприемлемая от земли дланьма Сына Твоего; Радуйся, ко превышним возшедшая наслаждатися славы Его. Радуйся, провождаемая от всех чиноначалий ангельских в Горняя; Радуйся, подъемлемая Херувимы в Небесная и поднебесная. Радуйся, в Небесных вратех от старейших Сил велелепно песньми возносимая; Радуйся, от всех Небесных граждан окружаемая и блажимая. Радуйся, Небо земное, к Горнему селению возвышенное; Радуйся, Престоле Господень, от земли вознесенный в Царствие Небесное. Радуйся, предстательство наше и крепкое заступление; Радуйся, грешником Споручнице во спасение. Радуйся, Христианом Царице и по Бозе Надеждо Небеснаго Царствия; Радуйся, Мати Живота и по Господе нам упование жизни вечныя. Радуйся, Обрадованная, во Успении Твоем нас не оставляющая.

Кондак 4

Бурю внутрь имея Аффоний помышлений неверных и зря Богоносными Апостолы Богоматере Пречестное Тело всечестне ко гробу несенное, ко опровержению устремися; внезапу же, егда со ослеплением очию руце его отъяте ко одру прилеплене висясте, верою Матерь Божию исповедаше, вопия Богу: Аллилуиа.

Икос 4

Слышавше таинницы и самовидцы Слова Ангелов, поющих превышними песньми при погребении Богоприятнаго тела Божия Матере, и честь подати хотяще Богоугодную, потщашася согласно пети, глаголюще: Радуйся, благовестие приемшая о прошествии Твоем в Горнее Царствие; Радуйся, от благовестившаго Гавриила приемшая радостнаго рая вравие. Радуйся, пречестное херувимское множество просветившая; Радуйся, преславное серафимское естество возрадовавшая. Радуйся, от патриархов прообразованная; Радуйся, от пророков предвозвещенная. Радуйся, злую дерзость Аффониеву скоро отметившая; Радуйся, исцеление томужде подавшая. Радуйся, обратившая в веру Аффониево неверие; Радуйся, верное того приемшая исповедание. Радуйся, возводящая к Небеси любовь и веру к Тебе имущих; Радуйся, спасающая верою имя Твое призывающих. Радуйся, Обрадованная, во Успении Твоем нас не оставляющая.

Кондак 5

Боготечныя звезды, Апостоли святии, в поднебесней разсеяннии ради Евангелия, восхищени быша на облацех, по широте воздушней, ко погребению Матере Господни, Юже пеньми и песньми провождающе, с Невещественными взываху: Аллилуиа.

Икос 5

Видевше Боговидцы своего Владыку, в руце Матере Своея душу приемша, и Господа Того разумевше, потщашася священнословия песньми благословне воспети Ю: Радуйся, Царице, над всеми Царствующаго носившая; Радуйся, и Сама рукама Его Сыновнима носимая. Радуйся, скиптре царский в Христовой деснице; Радуйся, в руце Ноя ветвь голубицы. Радуйся, жезле Ааронов, прозябший нетление; Радуйся, крине неувядаемый, процветший безсмертие. Радуйся, Богоотца Давида цевнице Богодохновенная; Радуйся, пророчествия его возставшая слово, псалтирю и гусли прекрасныя. Радуйся, одушевленный святыни Господни кивоте; Радуйся, в покой Господень воскресший наш животе. Радуйся, скиние, от Херувимов осеняемая; Радуйся, Святая святых, от Серафимов глаголемая. Радуйся, Обрадованная, во Успении Твоем нас не оставляющая.

Кондак 6

Проповедницы Богоноснии Апостоли, по отшествии ко премирным Божия Матере во общем селении обычныя трапезы бывше и предложение части хлеба во Имя Господне возносяще, внезапу свыше Богородицу Царицу, пришедшую со светоносными Ангелы, зряху и, мир тем от Сына и Бога подавшую слышавше, возгласиша о сем: Аллилуиа.

Икос 6

Возсия нам Солнце правды, Христос Бог от Твоих пречистых ложесн, волею и благоразумием проповедания чрез Апостолы мир просвети и Тя, Богоматерь, от рода и в род прослави. Темже и мы вси ублажаем Тя, вопиюще Ти: Радуйся, Присноблаженная от всех родов во веки; Радуйся, благоутробная и Милостивая на человеки. Радуйся, ученическому лику обещание исполнившая; Радуйся, присещением Твоим от Сына Твоего и Бога мир тому подавшая. Радуйся, всежелательное святых сладкое зрение; Радуйся, преподобных матерей и дев святых всевеселящее радование. Радуйся, преходящая райское селение праведных; Радуйся, посещающая всех во славе небесней сущих. Радуйся, начало человеческаго спасения; Радуйся, исполнение всех благих желания. Радуйся, по Бозе, Царе царствующих, Богородице Царице; Радуйся, по Господе господствующих, Владыце нашем, Госпоже и Владычице. Радуйся, Обрадованная, во Успении Твоем нас не оставляющая.

Кондак 7

Хотящих всех с верою входити в храм Твой святый, Богородице, присно спасаеши и славящих Тя от всяких напастей и бед свобождаеши; темже и благоверным людем, присноблажащим Тя, победы на сопротивныя даруй и вся ко спасению прошения нам подавай, о сем молящимся Тебе и поющим Богу: Аллилуиа.

Икос 7

Новую показа тварь, явлься нам, всех Творец Господь Тобою, Богородице. Ты же сродное промышление о нас к Нему имущи, честне почитающих пречестное Твое Успение, приими сицевая Тебе вопиющих: Радуйся, Мати Богу, избранная от земных; Радуйся, превышшая земных и Небесных. Радуйся, Херувимов и Серафимов горе превозшедшая; Радуйся, лик ученический облаком ко погребению Ти доле совокупльшая. Радуйся, Фому по погребении Твоем силою Божиею предпоставившая изряднее; Радуйся, чрез него уверившая Твое на Небо с плотию преселение. Радуйся, красотою всех добродетелей украшенная; Радуйся, краснейшему паче сынов человеческих Сынови Своему сопричтенная. Радуйся, яко финикс, плотию воскресшею процветшая; Радуйся, яко кедр в Ливане небесном, умножившаяся. Радуйся, древо живота, насажденное посреде рая превышняго; Радуйся, ковчеже мысленный возвышенный в Горняя от потопа смертнаго. Радуйся, Обрадованная, во Успении Твоем нас не оставляющая.

Кондак 8

Странно в превышних ведуще Тя, Избранная, яко солнце, Владычице, внутрь пренебесных недомыслимых красот и неизреченных доброт, умильно к Сыну и Богу, дланьма Его держиму, возшедшую и прерадостно преклоньшуюся живоначальней Его деснице, о сем непрестанно вопием: Аллилуиа.

Икос 8

Вся бывши горе, к Небесным взята и, земных не оставляющи, Богомати, рукама Сыновнима носима, в незаходимая вниде, во оный град всесветящий и прекрасный, Иерусалим вышний, Херувимы обстоима со всеми Небесными силами, идеже слышит поющих сия: Радуйся, Еяже пресвятая душа в вышнем всесветлом Сионе вселяется; Радуйся, Еяже и нетленное тело таможде с душею купно прославляется. Радуйся, вшедшая в престольный град Самаго Вседержителя; Радуйся, вознесшаяся в прекрасный рай Вышняго Насадителя. Радуйся, пренесенная во град, основанный от каменей всесветяших; Радуйся, введенная во ограду, обстоимую вои сил превышних. Радуйся, превышше Небес во благолепие Божие взятая; Радуйся, паче всех невещественных умов почтенная. Радуйся, приносящая к Сыну Своему и Богу моление верных; Радуйся, и Сама непрестанно у Престола Сына Твоего и Бога молящаяся о всех. Радуйся, Предстательнице к Богу, мир спасающая; Радуйся, Заступнице, роду христианскому от Бога дарованная. Радуйся, Обрадованная, во Успении Твоем нас не оставляющая.

Кондак 9

Всякое естество ангельское превозносит Тя, Богородице, человечестии же роди вси Матерь Тя Божию славим и почитаем пречестное Твое Успение, Царице: Тебе бо ради земнии Небесным совокупляются, согласно поюще Богу: Аллилуиа.

Икос 9

Ветийства Боговещанньгх пророческих речений ныне зрим о Тебе сбывшаяся, Богородице, яко воистину Бога плотию родила еси нам. Темже таинству словесе Божия верующе, вопием: Радуйся, закона и пророков главизно совершенная; Радуйся, звездо Иаковля, Валаамом пророкованная. Радуйся, одре Царя Великаго, вещанный Соломоном; Радуйся, руно, орошенное Иисусом, образованное Гедеоном. Радуйся, Неопалимая Купино, законоположником предзримая; Радуйся, горо святая, мужем желания усмотренная. Радуйся, лествице небесная, Иаковом предвидимая; Радуйся, двере непроходимая, Иезекиилем предзримая. Радуйся, солнце селения Христова, псалмопевцем предъявленное; Радуйся, таинство, многообразне пророки пронареченное. Радуйся, пророческих глагол всех, предреченных о Тебе, конец принесшая; Радуйся, Вышняго смотрения вся за спасение мира совершившая. Радуйся, Обрадованная, во Успении Твоем нас не оставляющая.

Кондак 10

Спасти хотя мир, Иже всех Господь от земнаго Тя рода избра в Матерь Себе и, нас ради быв человек, взыде, отнюдуже сниде, к Небеси от земли, и Тебе с Собою возведе ко пребыванию во славе вечней и соцарствованию с Собою, конца не имущему, Темже, яко Бог, слышит от всех: Аллилуиа.

Икос 10

Стена еси верным, Богородице Дево, и заступление всем, к Тебе прибегающим, ибо Небесе и земли Творец, от Тебе плотию прошед, Пречистая, духом и телом в Небесная Тя пресели, ко ближайшему предстательству о всех, ихже приглашати научи: Радуйся, граде Царя Великаго верху горы Небесныя; Радуйся, стено и покрове, не крыющийся от нашего притекания. Радуйся, верным на враги пособствующая; Радуйся, нашествия агарянская побеждающая. Радуйся, веры благочестивыя недвижимое сохранение; Радуйся, еретичествующих полков разорение. Радуйся, радость и умирение миру сущая; Радуйся, всегубительнаго ада поправшая. Радуйся, воинствующих на плоть целомудрием изрядное венчание; Радуйся, мученических подвигов всечестное прославление. Радуйся, преподобных трудом Ходатаице блаженнаго упокоения; Радуйся, иноком благоскорбящим Подательнице вечнаго радования. Радуйся, Обрадованная, во Успении Твоем нас не оставляющая.

Кондак 11

Пение всякое Богодухновенных песней не довлеет от нас ко похвале всечестнаго Успения Твоего, Всехвальная Владычице, Царице Богородице, но усердно Тебе приносим, яко Матери Царя всех, смиренное моление наше, с Небесными чинми поюще Единому достойно прославляющему Тя Богу: Аллилуиа.

Икос 11

Светоприемная свеща истиннаго Света сущим нам на земли явльшися, души просвещаеши и чтущих Твое всечестное преставление к разуму Божественному наставляеши, да поем Ти сицевая: Радуйся, свеще неугасимая огня невещественнаго; Радуйся, заре незаходимая Света невечерняго. Радуйся, луно, от Солнца правды облиставаемая; Радуйся, светлосте, во тьме святящая. Радуйся, светильниче, на свещнице превышнем поставленный; Радуйся, источниче жизни, из гроба во свет изведенный. Радуйся, Мати Света умнаго, благочестивых души просвещающаго; Радуйся, Мати всех Бога, озлобленных души утешающаго. Радуйся, уповающим на Тя живота конец непостыдный дарующая; Радуйся, достояние Божиим и Своим рабом на Суде Сына Твоего одесную Его устрояющая. Радуйся, Преблаженная, яко Тобою блажени есмы и мы, иже Помощницу Тя имамы; Радуйся, Преблагословенная в род и род, яко Господь с Тобою, и Тобою с нами. Радуйся, Обрадованная, во Успении Твоем нас не оставляющая.

Кондак 12

Благодать высокопрестольныя славы, на небесех дарованную Богоматери, почтенной седением одесную Сына Ея и Бога видяще горнии умы, подъяша Ю Престоли и Силы, окружиша Начала и Власти, припадоша страшнии Херувими, Серафими и Господства, со Архангелы и Ангелы вопиюще: Аллилуиа.

Икос 12

Поюще всечестное Твое Успение, восхваляем вси ко пренебесным возсшествие Твое, Царице Богомати. Ты же освяти, прослави и спаси всех, любовию поющих Тебе: Радуйся, очистившая землю пречистыми ног Твоих стопами; Радуйся, освятившая воздух восхождением Твоим к Небеси. Радуйся, на Небесный круг возступившая; Радуйся, вся доброты неизреченныя зрящая. Радуйся, во славе приседящая престолу Сына Твоего и Бога; Радуйся, с Сыном и Богом вечно царствующая. Радуйся, красото в деснице Господней, украшающая блажащих Тя всех Небесных; Радуйся, обрадованная надеянием на Тя всех земных. Радуйся, облеченная в солнце, сияющая благодатию и славою всей вселенней; Радуйся, обещавшая сохраняти и спасати призывающих Тя всех в поднебесней. Радуйся, от христианских родов Мати Божия почитаемая и Богородица именуемая; Радуйся, от восток солнца до запад преславно и православно от всех благочестивых славимая. Радуйся, Обрадованная, во Успении Твоем нас не оставляющая.

Кондак 13

О Всепетая Мати Безсмертнаго Царя Небесе и земли, Христа Бога нашего, живущая и по смерти, нынешняя приношения о всечестном Твоем Успении от нас приемши, в жизни сей и в смертнем успении нашем от всякия напасти, бед и муки избави и Небеснаго Царствия нас, Царице, сподоби, о Тебе вопиющих: Аллилуиа.

Этот кондак читается трижды, затем икос 1 и кондак 1

Молитва на Успение Пресвятой Богородицы

О Пресвятая Богородице Дево, Владычице, вышшая Ангел и Архангел и всея твари Честнейшая, ангельское великое удивление, пророческая высокая проповедь, апостольская преславная похвало, святителей изрядное украшение, мучеников крепкое утверждение, иноков спасительное наставление, постников неизнемогающее воздержание, девствующих чистото и славо, матерей тихое веселие, младенцев мудросте и наказание, вдовиц и сирых Кормительнице, нагих одеяние, болящих здравие, пленников избавление, по морю плавающих тишино, обуреваемых небурное пристанище, блуждающих нетрудная Наставнице, путешествующих легкое прохождение, труждающихся благое покоище, в бедах сущих скорая Заступнице, обидимых Покрове и прибежище, ненадеющихся надеяние, требующих Помощнице, печальных присное утешение, ненавидимых любовное смирение, грешников спасение и к Богу присвоение, правоверных всех твердое ограждение, непобедимое поможение и заступление! Тобою нам, Владычице, Невидимый видим бысть, и Тебе мольбу приносим, Госпоже, грешнии раби Твои: О Премилостивая и Пречудная Света умнаго Царице, рождшая Царя Христа, Бога нашего, Живодавца всех, от небесных славимая и от земных хвалимая, ангельский уме, светозарная звездо, святых Пресвятейшая, Владычице всех тварей, Боголепная Девице, Нескверная Невесто, палато Духа Пресвятаго, огненный Престоле Невидимаго Царя, небесный кивоте, носило Слова Божия, огнеобразная колеснице, покоище Живаго Бога, неизреченное составление плоти Христовы, гнездо Орла Небеснаго, Горлице Богогласная, Голубице кроткая, тихая и незлобивая, Мати чадолюбивая, милостей бездно, развергающая тучу гнева Божия, неизмеримая глубино, неизреченная тайно, несведомое чудо, не рук отворенная Церкве Единаго Царя всех век, благоуханное кадило, честная багрянице, Боготканная порфиро, душевный раю, живоноснаго сада отрасле, цвете прекрасный, процветший нам небесное веселие, грозде спасения нашего, чаше Царя Небеснаго, в нейже растворися от Духа Святаго вино неисчерпаемыя благодати, Ходатаице закона, зачало истинныя веры Христовы непоколебимый столпе, мечу ярости Божия на богопротивных, бесов устрашение, во бранех побеждение, христиан всех неложная Хранительнице и мира всего известное спасение! О Всемилостивая Госпоже, Дево Владычице, Богородице, услыши нас, молящихся Тебе, и яви милость Твою на людей Твоих, моли Сына Своего избавитися нам от всякаго зла и сохрани обитель нашу и всяку обитель, и град, и страну верных, и люди, благочестно прибегающия и призывающия имя Твое святое, от всякия напасти, губительства, глада, труса, потопа, огня, меча, нашествия иноплеменников и междоусобныя о ран и, от всякия болезни и всякаго обстояния, да ни ранами, ни прещением, ни мором, ни всяким праведным гневом Божиим умалятся раби Твои. Но соблюдай и спасай милостию Своею, Госпоже, за ны молящися, и полезное благорастворение воздуха во времени плоднаго приношения нам даруй. Облегчи, возстави и помилуй, Премилостивая Владычице, Богородице препетая, во всякой беде и нужде сущия. Помяни рабы Твоя и не презри слез и воздыхания с нашего, и обнови нас благостию Своея милости, да со благодарением утешаемся, обретше Тя Помощницу. Умилосердися, Госпоже Пречистая, на немощныя люди Твоя, Надеждо наша. Разсеянныя собери, заблудшия на путь правый настави, отпадшия от благочестивыя отеческия веры паки возврати, старость поддержи, юныя вразуми, младенцы воспитай и прослави славящия Тя, изряднее же - Церковь Сына Твоего соблюди и сохрани в долготу дний. О Милостивая и Премилостивая Царице Небесе и земли, Богородице Приснодево! Ходатайством Твоим помилуй страну нашу и воинство ея и вся православныя христианы, сохраняющи их под кровом милости Твоея, ризою Твоею честною защити и моли из Тебе воплошагося без семене Христа, Бога нашего, да препояшет ны свыше силою на вся видимыя и невидимыя враги наша. Спаси же и помилуй, Госпоже, Великаго Господина и Отца нашего Алексия, Святейшего Патриарха Московского и всея Руси, преосвященныя митрополиты, архиепископы и епископы православныя, иереи же и диаконы и весь причет церковный, и весь монашеский чин, и вся правоверныя люди, поклоняющияся и молящияся пред честною Твоею иконою. Призри на всех нас призрением милостивнаго Твоего заступления, воздвигни нас из глубины греховныя и просвети очи сердечныя ко зрению спасения, милостива нам буди зде и на Страшнем Суде Сына Твоего о нас умоли, преставльшияся во благочестии от жития сего рабы Твоя в вечней жизни со Ангелы и Архангелы и со всеми святыми причти, да одесную Сына Твоего Бога предстанут, и молитвою Твоею сподоби вся православныя христианы со Христом жити и радости ангельския в Небесных селениих наслаждатися. Ты бо еси, Госпоже, слава Небесных и упование земных, Ты наша Надежда и Заступница всех притекающих к Тебе и Твоея святыя помощи просящих. Ты Молебница наша теплая к Сыну Твоему и Богу нашему. Твоя Матерняя молитва много может на умоление Владыки, и Твоим предстательством ко Престолу благодати Пресвятых и Животворящих Его Тайн приступати дерзаем, аще и недостойнии. Темже всечестный образ Твой и рукою Твоею держимаго Вседержителя видяще на иконе, радуемся, грешнии, со умилением припадающе, и любовию сей целуем, чающе, Госпоже, Твоими святыми Богоприятными молитвами дойти Небесныя безконечныя жизни и непостыдно стати в день судный одесную Сына Твоего и Бога нашего, славяще Его купно со Безначальным Отцем и Пресвятым, Благим, Животворящим и Единосущным Духом, во веки веков. Аминь.

Тропарь Успению Пресвятой Богородицы, глас 1

В рождестве девство сохранила еси, во успении мира не оставила еси, Богородице, преставилася еси к животу, Мати сущи Живота, и молитвами Твоими избавляеши от смерти души наша.

Кондак, глас 2

В молитвах неусыпающую Богородицу и в предстательствах непреложное упование гроб и умерщвление не удержаста: якоже бо Живота Матерь к животу престави во утробу Вселивыйся приснодевственную.

Величание

Величаем Тя, Пренепорочная Мати Христа Бога нашего, и всеславное славим Успение Твое.

Задостойник, глас 1

Ангели, Успение Пречистыя видевше, удивишася, како Дева восходит от земли на Небо. Побеждаются естества уставы в Тебе, Дево Чистая, девствует бо рождество и Живот предобручает смерть; по рождестве Дева и по смерти жива, спасаеши присно, Богородице, наследие Твое.

Православный текст акафиста Успению Богородицы воспевает одноименный праздник, который посвящен моменту перехода Матери Божьей из временной жизни в вечную. Христианская церковь намеренно не называет преставление Богородицы смертью, так как с нетерпением ожидала этого момента, чтобы воссоединиться со Своим Сыном в Царстве Небесном. Такое отношение полностью соответствует православному вероучению, и поэтому акафист Успения представляет таинство смерти не пугающим, а светлым событием, к которому в идеале должен стремиться каждый христианин.

Акафист Успению можно читать как молитву Пресвятой Божией Матери

Текст акафиста Успению Богородицы, в соответствии с каноном этого жанра религиозных гимнов, косвенно повествует о последних днях жизни Божией Матери. Известно, что Пресвятая Дева после распятия и воскресения Иисуса Христа жила благочестиво в доме апостола Иоанна Богослова, удивляя окружающих воздержанием и ежедневно молясь. Несмотря на то, что Она совершенно не желала земной славы, мечтая лишь о том, чтобы Ей беспрепятственно позволяли посещать святые места, связанные с жизнью Ее Сына, весть о Ней со скоростью света распространялась среди новообращенных христиан. Христианский акафист Успению свидетельствует, что Пречистая Дева предвидела Свою кончину, и захотела, чтобы в этот важный момент рядом с ней были Христовы ученики.

Читать акафист Успению Пресвятой Богородице можно не только в день праздника, но и в любой другой день

Согласно тексту акафиста Богородице, по Ее желанию апостолы собрались в светлой горнице. Дева Мария попрощалась с ними, и возлегла на ложе, и спустя некоторое время все присутствующие увидели Иисуса Христа, принявшего на руки Душу Пречистой Девы, которая была настолько чиста, что имела вид новорожденного младенца. Этот момент изображен на иконе Успения Пресвятой Богородице, читать акафист которой можно в скорби и радости, прося у Матери Божией избавления от бед или принося Ей благодарение за помощь. Праздник Успения в православной церкви отмечается 28 августа, и ему всегда предшествует строгий двухнедельный пост, подчеркивающий значимость этого события.

Текст православной молитвы на Успение Пресвятой Божьей Матери

О Пресвятая Богородице Дево, Владычице, вышшая Ангел и Архангел и всея твари Честнейшая, ангельское великое удивление, пророческая высокая проповедь, апостольская преславная похвало, святителей изрядное украшение, мучеников крепкое утверждение, иноков спасительное наставление, постников неизнемогающее воздержание, девствующих чистото и славо, матерей тихое веселие, младенцев мудросте и наказание, вдовиц и сирых Кормительнице, нагих одеяние, болящих здравие, пленников избавление, по морю плавающих тишино, обуреваемых небурное пристанище, блуждающих нетрудная Наставнице, путешествующих легкое прохождение, труждающихся благое покоище, в бедах сущих скорая Заступнице, обидимых Покрове и прибежище, ненадеющихся надеяние, требующих Помощнице, печальных присное утешение, ненавидимых любовное смирение, грешников спасение и к Богу присвоение, правоверных всех твердое ограждение, непобедимое поможение и заступление! Тобою нам, Владычице, Невидимый видим бысть, и Тебе мольбу приносим, Госпоже, грешнии раби Твои: О Премилостивая и Пречудная Света умнаго Царице, рождшая Царя Христа, Бога нашего, Живодавца всех, от небесных славимая и от земных хвалимая, ангельский уме, светозарная звездо, святых Пресвятейшая, Владычице всех тварей, Боголепная Девице, Нескверная Невесто, палато Духа Пресвятаго, огненный Престоле Невидимаго Царя, небесный кивоте, носило Слова Божия, огнеобразная колеснице, покоище Живаго Бога, неизреченное составление плоти Христовы, гнездо Орла Небеснаго, Горлице Богогласная, Голубице кроткая, тихая и незлобивая, Мати чадолюбивая, милостей бездно, развергающая тучу гнева Божия, неизмеримая глубино, неизреченная тайно, несведомое чудо, не рук отворенная Церкве Единаго Царя всех век, благоуханное кадило, честная багрянице, Боготканная порфиро, душевный раю, живоноснаго сада отрасле, цвете прекрасный, процветший нам небесное веселие, грозде спасения нашего, чаше Царя Небеснаго, в нейже растворися от Духа Святаго вино неисчерпаемыя благодати, Ходатаице закона, зачало истинныя веры Христовы непоколебимый столпе, мечу ярости Божия на богопротивных, бесов устрашение, во бранех побеждение, христиан всех неложная Хранительнице и мира всего известное спасение! О Всемилостивая Госпоже, Дево Владычице, Богородице, услыши нас, молящихся Тебе, и яви милость Твою на людей Твоих, моли Сына Своего избавитися нам от всякаго зла и сохрани обитель нашу и всяку обитель, и град, и страну верных, и люди, благочестно прибегающия и призывающия имя Твое святое, от всякия напасти, губительства, глада, труса, потопа, огня, меча, нашествия иноплеменников и междоусобныя о ран и, от всякия болезни и всякаго обстояния, да ни ранами, ни прещением, ни мором, ни всяким праведным гневом Божиим умалятся раби Твои. Но соблюдай и спасай милостию Своею, Госпоже, за ны молящися, и полезное благорастворение воздуха во времени плоднаго приношения нам даруй. Облегчи, возстави и помилуй, Премилостивая Владычице, Богородице препетая, во всякой беде и нужде сущия. Помяни рабы Твоя и не презри слез и воздыхания с нашего, и обнови нас благостию Своея милости, да со благодарением утешаемся, обретше Тя Помощницу. Умилосердися, Госпоже Пречистая, на немощныя люди Твоя, Надеждо наша. Разсеянныя собери, заблудшия на путь правый настави, отпадшия от благочестивыя отеческия веры паки возврати, старость поддержи, юныя вразуми, младенцы воспитай и прослави славящия Тя, изряднее же - Церковь Сына Твоего соблюди и сохрани в долготу дний. О Милостивая и Премилостивая Царице Небесе и земли, Богородице Приснодево! Ходатайством Твоим помилуй страну нашу и воинство ея и вся православныя христианы, сохраняющи их под кровом милости Твоея, ризою Твоею честною защити и моли из Тебе воплошагося без семене Христа, Бога нашего, да препояшет ны свыше силою на вся видимыя и невидимыя враги наша. Спаси же и помилуй, Госпоже, Великаго Господина и Отца нашего Алексия, Святейшего Патриарха Московского и всея Руси, преосвященныя митрополиты, архиепископы и епископы православныя, иереи же и диаконы и весь причет церковный, и весь монашеский чин, и вся правоверныя люди, поклоняющияся и молящияся пред честною Твоею иконою. Призри на всех нас призрением милостивнаго Твоего заступления, воздвигни нас из глубины греховныя и просвети очи сердечныя ко зрению спасения, милостива нам буди зде и на Страшнем Суде Сына Твоего о нас умоли, преставльшияся во благочестии от жития сего рабы Твоя в вечней жизни со Ангелы и Архангелы и со всеми святыми причти, да одесную Бога предстанут, и молитвою Твоею сподоби вся православныя христианы со Христом жити и радости ангельския в Небесных селениих наслаждатися. Ты бо еси, Госпоже, слава Небесных и упование земных, Ты наша Надежда и Заступница всех притекающих к Тебе и Твоея святыя помощи просящих. Ты Молебница наша теплая к Сыну Твоему и Богу нашему. Твоя Матерняя молитва много может на умоление Владыки, и Твоим предстательством ко Престолу благодати Пресвятых и Животворящих Его Тайн приступати дерзаем, аще и недостойнии. Темже всечестный образ Твой и рукою Твоею держимаго Вседержителя видяще на иконе, радуемся, грешнии, со умилением припадающе, и любовию сей целуем, чающе, Госпоже, Твоими святыми Богоприятными молитвами дойти Небесныя безконечныя жизни и непостыдно стати в день судный одесную Сына Твоего и Бога нашего, славяще Его купно со Безначальным Отцем и Пресвятым, Благим, Животворящим и Единосущным Духом, во веки веков. Аминь.

Слушать на видео акафист Успению Пресвятой Богородице

Читать православный текст акафиста Успению Пресвятой Богородице

Избранной от всех родов Божией Матери и Царице, восходящей от земли к Небеси, благоговейная пения о пречестнем Твоем Успении приносим раби Твои, Богородице. Ты же, яко имущая победу над смертию, от всяких нас смертоносных бед свободи, да зовем Ти: Радуйся, Обрадованная, во Успении Твоем нас не оставляющая.

Ангел предстатель послан бысть рещи Богородице ко премирным Ея возшествие и приити предъявление к Ней Сыну Ея и Богу, светло о Ней блистаяся и стоя, зовый таковая: Радуйся, прерадованная Мати Царева; Радуйся, Небесная Царице, Мати Бога и Господа Небесе и земли. Радуйся, предпочтенная превеличеством пришествия к Тебе Сына Твоего и Бога; Радуйся, возвеличенная извещением Твоего к Сыну отшествия. Радуйся, от всех родов Богом избранная; Радуйся, святое вместилище Слова Божия. Радуйся, пророческаго проречения исполнение; Радуйся, Апостолом пречестный венче. Радуйся, святителем украшение и священником доброто; Радуйся, правителем удобрение и державо. Радуйся, Богомудрых иноков возведение к Горнему Царствию; Радуйся, отверзающая райския двери христианскому роду, присно Тя блажещему. Радуйся, Обрадованная, во Успении Твоем нас не оставляющая.

Видяще Апостолов лик, всесильным мановением от конец земли на облацех представших ко Пречестному Твоему, Пренепорочная. Успению, священноначальницы: Дионисий - небесный таинник, Иерофей дивный и Тимофей с Боголепною честию священства пояху Богу: Аллилуиа.

Разумная вся тварь, старейшая чиноначалия ангельская приидоша со своим Царем, Иже во Своя живоначальнейшия руце душу Матере Своея прият; теплый же верою Петр со слезами многая к Ней изрече, зовый: Радуйся, ко премирным, Мати Творца миру, восходящая; Радуйся, к пренебесным, пространнейшая небес, вземлющаяся. Радуйся, четверочастное стихий освятившая Твоим восхождением; Радуйся, Небесных возвеселившая Твоим прехождением. Радуйся, во Иерусалим Горний прекрасный приятая; Радуйся, в нерукотворенныя храмы прерадостно вшедшая. Радуйся, Херувимов и Серафимов Царице; Радуйся, Архангелов Владычице. Радуйся, прибежище верных и избавление; Радуйся, достоянию Твоему помощь и защищение. Радуйся, о всем мире христианстем к Богу Ходатаице; Радуйся, благ всяческих Всеблагая Подательнице. Радуйся, Обрадованная, во Успении Твоем нас не оставляющая.

Сила Вышняго восхити от Индии Фому, за некое изволение Божие не прилучшуся ему в пречестное успение Богоматере, и предпостави живоприемному Ея гробу, иже, Преставльшуюся приник видети, уразуме вознесенную на Небеса с телом и, веровав, о сем возопи: Аллилуиа.

Имея в себе помышление ученик, яко Божиим смотрением бе ему не обрестися ко провождению Богоматере с прочими вкупе, обрадован быв о безсмертнем Ея Успении, сия вопияше к Ней: Радуйся, восприемлемая от земли дланьма Сына Твоего; Радуйся, ко превышним возшедшая наслаждатися славы Его. Радуйся, провождаемая от всех чиноначалий ангельских в Горняя; Радуйся, подъемлемая Херувимы в Небесная и поднебесная. Радуйся, в Небесных вратех от старейших Сил велелепно песньми возносимая; Радуйся, от всех Небесных граждан окружаемая и блажимая. Радуйся, Небо земное, к Горнему селению возвышенное; Радуйся, Престоле Господень, от земли вознесенный в Царствие Небесное. Радуйся, предстательство наше и крепкое заступление; Радуйся, грешником Споручнице во спасение. Радуйся, Христианом Царице и по Бозе Надеждо Небеснаго Царствия; Радуйся, Мати Живота и по Господе нам упование жизни вечныя. Радуйся, Обрадованная, во Успении Твоем нас не оставляющая.

Бурю внутрь имея Аффоний помышлений неверных и зря Богоносными Апостолы Богоматере Пречестное Тело всечестне ко гробу несенное, ко опровержению устремися; внезапу же, егда со ослеплением очию руце его отъяте ко одру прилеплене висясте, верою Матерь Божию исповедаше, вопия Богу: Аллилуиа.

Слышавше таинницы и самовидцы Слова Ангелов, поющих превышними песньми при погребении Богоприятнаго тела Божия Матере, и честь подати хотяще Богоугодную, потщашася согласно пети, глаголюще: Радуйся, благовестие приемшая о прошествии Твоем в Горнее Царствие; Радуйся, от благовестившаго Гавриила приемшая радостнаго рая вравие. Радуйся, пречестное херувимское множество просветившая; Радуйся, преславное серафимское естество возрадовавшая. Радуйся, от патриархов прообразованная; Радуйся, от пророков предвозвещенная. Радуйся, злую дерзость Аффониеву скоро отметившая; Радуйся, исцеление томужде подавшая. Радуйся, обратившая в веру Аффониево неверие; Радуйся, верное того приемшая исповедание. Радуйся, возводящая к Небеси любовь и веру к Тебе имущих; Радуйся, спасающая верою имя Твое призывающих. Радуйся, Обрадованная, во Успении Твоем нас не оставляющая.

Боготечныя звезды, Апостоли святии, в поднебесней разсеяннии ради Евангелия, восхищени быша на облацех, по широте воздушней, ко погребению Матере Господни, Юже пеньми и песньми провождающе, с Невещественными взываху: Аллилуиа.

Видевше Боговидцы своего Владыку, в руце Матере Своея душу приемша, и Господа Того разумевше, потщашася священнословия песньми благословне воспети Ю: Радуйся, Царице, над всеми Царствующаго носившая; Радуйся, и Сама рукама Его Сыновнима носимая. Радуйся, скиптре царский в Христовой деснице; Радуйся, в руце Ноя ветвь голубицы. Радуйся, жезле Ааронов, прозябший нетление; Радуйся, крине неувядаемый, процветший безсмертие. Радуйся, Богоотца Давида цевнице Богодохновенная; Радуйся, пророчествия его возставшая слово, псалтирю и гусли прекрасныя. Радуйся, одушевленный святыни Господни кивоте; Радуйся, в покой Господень воскресший наш животе. Радуйся, скиние, от Херувимов осеняемая; Радуйся, Святая святых, от Серафимов глаголемая. Радуйся, Обрадованная, во Успении Твоем нас не оставляющая.

Проповедницы Богоноснии Апостоли, по отшествии ко премирным Божия Матере во общем селении обычныя трапезы бывше и предложение части хлеба во Имя Господне возносяще, внезапу свыше Богородицу Царицу, пришедшую со светоносными Ангелы, зряху и, мир тем от Сына и Бога подавшую слышавше, возгласиша о сем: Аллилуиа.

Возсия нам Солнце правды, Христос Бог от Твоих пречистых ложесн, волею и благоразумием проповедания чрез Апостолы мир просвети и Тя, Богоматерь, от рода и в род прослави. Темже и мы вси ублажаем Тя, вопиюще Ти: Радуйся, Присноблаженная от всех родов во веки; Радуйся, благоутробная и Милостивая на человеки. Радуйся, ученическому лику обещание исполнившая; Радуйся, присещением Твоим от Сына Твоего и Бога мир тому подавшая. Радуйся, всежелательное святых сладкое зрение; Радуйся, преподобных матерей и дев святых всевеселящее радование. Радуйся, преходящая райское селение праведных; Радуйся, посещающая всех во славе небесней сущих. Радуйся, начало человеческаго спасения; Радуйся, исполнение всех благих желания. Радуйся, по Бозе, Царе царствующих, Богородице Царице; Радуйся, по Господе господствующих, Владыце нашем, Госпоже и Владычице. Радуйся, Обрадованная, во Успении Твоем нас не оставляющая.

Хотящих всех с верою входити в храм Твой святый, Богородице, присно спасаеши и славящих Тя от всяких напастей и бед свобождаеши; темже и благоверным людем, присноблажащим Тя, победы на сопротивныя даруй и вся ко спасению прошения нам подавай, о сем молящимся Тебе и поющим Богу: Аллилуиа.

Новую показа тварь, явлься нам, всех Творец Господь Тобою, Богородице. Ты же сродное промышление о нас к Нему имущи, честне почитающих пречестное Твое Успение, приими сицевая Тебе вопиющих: Радуйся, Мати Богу, избранная от земных; Радуйся, превышшая земных и Небесных. Радуйся, Херувимов и Серафимов горе превозшедшая; Радуйся, лик ученический облаком ко погребению Ти доле совокупльшая. Радуйся, Фому по погребении Твоем силою Божиею предпоставившая изряднее; Радуйся, чрез него уверившая Твое на Небо с плотию преселение. Радуйся, красотою всех добродетелей украшенная; Радуйся, краснейшему паче сынов человеческих Сынови Своему сопричтенная. Радуйся, яко финикс, плотию воскресшею процветшая; Радуйся, яко кедр в Ливане небесном, умножившаяся. Радуйся, древо живота, насажденное посреде рая превышняго; Радуйся, ковчеже мысленный возвышенный в Горняя от потопа смертнаго. Радуйся, Обрадованная, во Успении Твоем нас не оставляющая.

Странно в превышних ведуще Тя, Избранная, яко солнце, Владычице, внутрь пренебесных недомыслимых красот и неизреченных доброт, умильно к Сыну и Богу, дланьма Его держиму, возшедшую и прерадостно преклоньшуюся живоначальней Его деснице, о сем непрестанно вопием: Аллилуиа.

Вся бывши горе, к Небесным взята и, земных не оставляющи, Богомати, рукама Сыновнима носима, в незаходимая вниде, во оный град всесветящий и прекрасный, Иерусалим вышний, Херувимы обстоима со всеми Небесными силами, идеже слышит поющих сия: Радуйся, Еяже пресвятая душа в вышнем всесветлом Сионе вселяется; Радуйся, Еяже и нетленное тело таможде с душею купно прославляется. Радуйся, вшедшая в престольный град Самаго Вседержителя; Радуйся, вознесшаяся в прекрасный рай Вышняго Насадителя. Радуйся, пренесенная во град, основанный от каменей всесветяших; Радуйся, введенная во ограду, обстоимую вои сил превышних. Радуйся, превышше Небес во благолепие Божие взятая; Радуйся, паче всех невещественных умов почтенная. Радуйся, приносящая к Сыну Своему и Богу моление верных; Радуйся, и Сама непрестанно у Престола Сына Твоего и Бога молящаяся о всех. Радуйся, Предстательнице к Богу, мир спасающая; Радуйся, Заступнице, роду христианскому от Бога дарованная. Радуйся, Обрадованная, во Успении Твоем нас не оставляющая.

Всякое естество ангельское превозносит Тя, Богородице, человечестии же роди вси Матерь Тя Божию славим и почитаем пречестное Твое Успение, Царице: Тебе бо ради земнии Небесным совокупляются, согласно поюще Богу: Аллилуиа.

Ветийства Боговещанньгх пророческих речений ныне зрим о Тебе сбывшаяся, Богородице, яко воистину Бога плотию родила еси нам. Темже таинству словесе Божия верующе, вопием: Радуйся, закона и пророков главизно совершенная; Радуйся, звездо Иаковля, Валаамом пророкованная. Радуйся, одре Царя Великаго, вещанный Соломоном; Радуйся, руно, орошенное Иисусом, образованное Гедеоном. Радуйся, Неопалимая Купино, законоположником предзримая; Радуйся, горо святая, мужем желания усмотренная. Радуйся, лествице небесная, Иаковом предвидимая; Радуйся, двере непроходимая, Иезекиилем предзримая. Радуйся, солнце селения Христова, псалмопевцем предъявленное; Радуйся, таинство, многообразне пророки пронареченное. Радуйся, пророческих глагол всех, предреченных о Тебе, конец принесшая; Радуйся, Вышняго смотрения вся за спасение мира совершившая. Радуйся, Обрадованная, во Успении Твоем нас не оставляющая.

Спасти хотя мир, Иже всех Господь от земнаго Тя рода избра в Матерь Себе и, нас ради быв человек, взыде, отнюдуже сниде, к Небеси от земли, и Тебе с Собою возведе ко пребыванию во славе вечней и соцарствованию с Собою, конца не имущему, Темже, яко Бог, слышит от всех: Аллилуиа.

Стена еси верным, Богородице Дево, и заступление всем, к Тебе прибегающим, ибо Небесе и земли Творец, от Тебе плотию прошед, Пречистая, духом и телом в Небесная Тя пресели, ко ближайшему предстательству о всех, ихже приглашати научи: Радуйся, граде Царя Великаго верху горы Небесныя; Радуйся, стено и покрове, не крыющийся от нашего притекания. Радуйся, верным на враги пособствующая; Радуйся, нашествия агарянская побеждающая. Радуйся, веры благочестивыя недвижимое сохранение; Радуйся, еретичествующих полков разорение. Радуйся, радость и сущая; Радуйся, всегубительнаго ада поправшая. Радуйся, воинствующих на плоть целомудрием изрядное венчание; Радуйся, мученических подвигов всечестное прославление. Радуйся, преподобных трудом Ходатаице блаженнаго упокоения; Радуйся, иноком благоскорбящим Подательнице вечнаго радования. Радуйся, Обрадованная, во Успении Твоем нас не оставляющая.

Пение всякое Богодухновенных песней не довлеет от нас ко похвале всечестнаго Успения Твоего, Всехвальная Владычице, Царице Богородице, но усердно Тебе приносим, яко Матери Царя всех, смиренное моление наше, с Небесными чинми поюще Единому достойно прославляющему Тя Богу: Аллилуиа.

Светоприемная свеща истиннаго Света сущим нам на земли явльшися, души просвещаеши и чтущих Твое всечестное преставление к разуму Божественному наставляеши, да поем Ти сицевая: Радуйся, свеще неугасимая огня невещественнаго; Радуйся, заре незаходимая Света невечерняго. Радуйся, луно, от Солнца правды облиставаемая; Радуйся, светлосте, во тьме святящая. Радуйся, светильниче, на свещнице превышнем поставленный; Радуйся, источниче жизни, из гроба во свет изведенный. Радуйся, Мати Света умнаго, благочестивых души просвещающаго; Радуйся, Мати всех Бога, озлобленных души утешающаго. Радуйся, уповающим на Тя живота конец непостыдный дарующая; Радуйся, достояние Божиим и Своим рабом на Суде Сына Твоего одесную Его устрояющая. Радуйся, Преблаженная, яко Тобою блажени есмы и мы, иже Помощницу Тя имамы; Радуйся, Преблагословенная в род и род, яко Господь с Тобою, и Тобою с нами. Радуйся, Обрадованная, во Успении Твоем нас не оставляющая.

Благодать высокопрестольныя славы, на небесех дарованную Богоматери, почтенной седением одесную Сына Ея и Бога видяще горнии умы, подъяша Ю Престоли и Силы, окружиша Начала и Власти, припадоша страшнии Херувими, Серафими и Господства, со Архангелы и Ангелы вопиюще: Аллилуиа.

Поюще всечестное Твое Успение, восхваляем вси ко пренебесным возсшествие Твое, Царице Богомати. Ты же освяти, прослави и спаси всех, любовию поющих Тебе: Радуйся, очистившая землю пречистыми ног Твоих стопами; Радуйся, освятившая воздух восхождением Твоим к Небеси. Радуйся, на Небесный круг возступившая; Радуйся, вся доброты неизреченныя зрящая. Радуйся, во славе приседящая престолу Сына Твоего и Бога; Радуйся, с Сыном и Богом вечно царствующая. Радуйся, красото в деснице Господней, украшающая блажащих Тя всех Небесных; Радуйся, обрадованная надеянием на Тя всех земных. Радуйся, облеченная в солнце, сияющая благодатию и славою всей вселенней; Радуйся, обещавшая сохраняти и спасати призывающих Тя всех в поднебесней. Радуйся, от христианских родов Мати Божия почитаемая и Богородица именуемая; Радуйся, от восток солнца до запад преславно и православно от всех благочестивых славимая. Радуйся, Обрадованная, во Успении Твоем нас не оставляющая.

О Всепетая Мати Безсмертнаго Царя Небесе и земли, Христа Бога нашего, живущая и по смерти, нынешняя приношения о всечестном Твоем Успении от нас приемши, в жизни сей и в смертнем успении нашем от всякия напасти, бед и муки избави и Небеснаго Царствия нас, Царице, сподоби, о Тебе вопиющих: Аллилуиа.

/Этот кондак читается три раза, затем икос 1 и кондак 1/

Текст Тропаря Успению Пресвятой Богородицы

Тропарь, глас 1

В рождестве девство сохранила еси, во успении мира не оставила еси, Богородице, преставилася еси к животу, Мати сущи Живота, и молитвами Твоими избавляеши от смерти души наша.

Кондак, глас 2

В молитвах неусыпающую Богородицу и в предстательствах непреложное упование гроб и умерщвление не удержаста: якоже бо Живота Матерь к животу престави во утробу Вселивыйся приснодевственную.

Величание

Величаем Тя, Пренепорочная Мати Христа Бога нашего, и всеславное славим Успение Твое.

Задостойник, глас 1

Ангели, Успение Пречистыя видевше, удивишася, како Дева восходит от земли на Небо. Побеждаются естества уставы в Тебе, Дево Чистая, девствует бо рождество и Живот предобручает смерть; по рождестве Дева и по смерти жива, спасаеши присно, Богородице, наследие Твое.